Qazaqstanda shaı ónimderinen qaýipti qospalar anyqtaldy

Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń habarlaýynsha, Eýrazııalyq ekonomıkalyq komıssııadan EAEO elderinde otandyq óndirýshilerdiń jalǵan shaı ónimderi satylyp jatqany týraly aqparat túsken. Osyǵan baılanysty Qazaqstan aýmaǵynda baqylaý maqsatynda synamalar alynyp, zerthanalyq saraptama júrgizildi.

Zertteý nátıjesinde birneshe úlgiden taǵamdyq ónimderde qoldanýǵa ruqsat etilmeıtin mynadaı boıaǵyshtar tabyldy:

• «Kún batar tústes» sary boıaǵysh (E110);
• Tartrazın (E102);
• Ponso 4R (E124).

Sonymen qatar ónim syrtynda kórsetilgen óndiris jáne býyp-túıý mekenjaılarynyń shyndyqqa janaspaıtyny belgili boldy. Komıtet mamandarynyń aıtýynsha, bul kásiporyndardyń qyzmetin júzege asyrýǵa qajetti ruqsat qujattarynyń joqtyǵyn bildiredi.

Satýǵa tyıym salynǵan shaı ataýlarynyń tizimi:

1. «Apamnyń shaıy Premium gold», «Orda Kenııa», «Al-Qaırat sháıi Premium gold» – daıyndaýshy jáne býyp-túıýshi: «Orda Trade Astana» JShS, Almaty oblysy;

2. «Al-Hayat Golg» – óndirýshi: «Empire KENIY E.P.Z. Limited», Almaty oblysy;

3. «Balqııa Premium gold» – býyp-túıýshi: «Al-Hadııa» JK (Almaty);

4. «Sultan Suleyman», «Pakistan tea» – óndirýshi: «Real Trade Astana» JShS (Astana);

5. «Aje Onim» – óndirýshi: «Kalsıı» JShS tapsyrysymen «Orda Chaı» JK (Almaty);

6. «Al-Jannat Premium» – óndirýshi: «Ferdaus» JK (Almaty);

7. «Alfarah» – qaptamasynda óndirýshi týraly málimet kórsetilmegen.