Foto: istockphoto.com
Saǵat 11:00-degi jaǵdaı boıynsha, boran men joldyń kórinbeýine baılanysty kelesi baǵyttarda joldar jabyldy.
Aqmola oblysy: О́ńirdegi negizgi kúre joldardyń basym bóligine shekteý qoıyldy. Atap aıtqanda, Astana – Shýchınsk, Astana – Kókshetaý – Petropavl, Kókshetaý – Atbasar jáne Kókshetaý – Rýzaevka baǵyttaryndaǵy ýchaskeler jabyldy. Sondaı-aq Qostanaı men Jezqazǵan baǵyttaryna shyǵatyn joldarda da qozǵalys toqtatyldy.
Soltústik Qazaqstan oblysy: Aqmola jáne Qostanaı oblystarynyń shekarasynan Beskól, Rýzaevka jáne Toqsan bı aýyldaryna deıingi baǵyttar jabyq.
Aqtóbe jáne Atyraý oblystary: «Aqtóbe – Atyraý – Reseı shekarasy» tas jolynyń Aqtóbeden bastap Atyraý oblysyndaǵy Saǵyz aýylyna deıingi aralyǵynda kólik qozǵalysyna tyıym salyndy.
Pavlodar oblysy: «Atameken – Ertis – Reseı shekarasy» baǵytyndaǵy jol ýchaskesinde qozǵalys shekteldi.
Qazirgi tańda joldardy qar men muzdan tazartý jumystaryna 722 birlik arnaıy tehnıka jumyldyrylǵan. Jol qyzmetteri júrgizýshilerge qaýipsizdik erejelerin saqtap, alys saparǵa shyǵýdan bas tartýdy eskertedi.
