ASTANA. 12 mamyr. Endi birer saǵattan keıin Almatydaǵy Ortalyq stadıonda fýtboldan Qazaqstan Býrkına-Faso quramasymen joldastyq kezdesý ótkizedi. Bul týraly egemen.kz habarlady.
Oıyn Astana ýaqytymen saǵat 18:00-de bastalady. Matchty «Habar» telearnasy tikeleı efırde kórsetedi. Atalǵan kezdesýde mamandar alań ıelerine azdaǵan basymdyq berip otyr.
Ulttyq quramamyzdyń sapynda «Qaırattyń» kapıtany Baýyrjan Islamhan men «Astananyń» shabýylshysy Baýyrjan Jolshıev jaraqattaryna baılanysty alańǵa shyǵa almaıtynyn aıta keteıik.
Oıynǵa О́zbekstannyń belgili tóreshisi Ravshan Irmatov qazylyq jasaıdy. 37 jastaǵy tóreshi búginge deıin eki birdeı álem chempıonatynda (2010 j., 2014 j.) qyzmet kórsetti. Sondaı-aq, Olımpıada, Azııa kýbogy jáne klýbtar arasyndaǵy álem chempıonaty syndy bedeldi jarystarda tórelik jasaǵan tájirıbeli maman. Odan bólek, Irmatov álem chempıonattarynda qazylyq jasaǵan oıyn sany jóninen rekordtyq kórsetkishke ıe. Eki mýndıalda ol 9 kezdesýge tórelik aıtqan.
Ravshan Irmatov osyǵan deıin eki márte Qazaqstanda ótken oıynǵa qyzmet kórsetti. Onyń biri Qazaqstan men Oman arasyndaǵy joldastyq kezdesý.
Bas tóreshige alań jıeginde onyń otandasy Djahangır Saıdov pen qyrǵyz Bahadúr Qoshqarov kómektesedi.
Elaman Qońyr.
Derek: egemen.kz.
Sýret: kff.kz.
