Foto: Oqu-agartu ministrligi
20 óńirden 1700-ge jýyq pedagog qatysyp jatyr
20 óńirde ótip jatqan semınarlar «Zamanaýı mektep zerthanasy: muǵalimge arnalǵan praktıkalyq daǵdylar» jáne «Tárbıe ekojúıesi: praktıkalyq sheshimder» taqyryptaryna arnalǵan. Oǵan 170 Keleshek mektebinen mektep dırektory jáne orynbasarlary, oǵan qosa, fızıka, hımııa, bıologııa, ınformatıka pánderi, STEAM jáne robototehnıka kabınetteriniń 1700-ge jýyq pedagogi qatysyp jatyr.
170 «Keleshek mektebinde» oqý prosesi bastalǵan
Esterińizge salaıyq, Prezıdenttiń tapsyrmasymen «Keleshek mektepteri» ulttyq jobasy júzege asyrylyp jatyr. Joba sheńberinde 460 myń oqýshyny qamtıtyn 217 mektep salyndy. Onyń 84-i aýylda ashyldy. Mektepterdiń 170-inde oqý prosesi bastaldy. Bul ınnovasııalyq bilim oryndarynyń burynǵy tıptik mektepterden kólemi 15-20%-ǵa úlken, tehnıkalyq jabdyqtalý deńgeıi 4 ese joǵary. Barlyq keleshek mektepteri fızıka, hımııa, bıologııa, eńbekke baýlý, mýzyka, horeografııa zaly, STEM-zerthanalary men robototehnıka kabınetteri, kovorkıng jáne sport zaldarymen jabdyqtalǵan.
Sapaly bilim – tyń úlgi
Búginde negizgi maqsat oqýshylardyń turǵylyqty jerine, otbasy jaǵdaıyna qaramastan sapaly bilim alýyna tolyqqandy jaǵdaı jasaý. Bolashaqta «Keleshek mektepteriniń» standarttary, ádistemesi, basqarý júıesi elimizdiń barlyq mektepteriniń damýyna negiz bolady.
