Atyshýly bankten aqshalaryn ala bastady

Qurdymǵa ketken «Valıýt-Tranzıt Bank» aksıonerlik qoǵamynyń  salymshylary bes mıllıon teńgege deıin­gi so­madaǵy aqshalaryn qaı­taryp alatyn boldy. Bul somany tóleýdi «Depozıtterdi kepildendirýdiń qazaqstandyq qory» AQ óz mindetine alyp otyr. О́tinimder aǵymdaǵy jyldyń 10 tamyzynan qabyldana bastady. «Qazaqstan Respýblı­kasy­nyń Ulttyq Banki» RMM Qara­ǵandy fılıalynyń baspasóz qyzmeti bergen málimet boıynsha, tamyz aıynan bastap «Qazaqstan Respýblıkasynyń keıbir zańnamalyq akti­lerine menshik quqyǵyn qor­ǵaýdy kúsheıtý, sharttyq mindettemelerdi qorǵaýdy kepil­dendirý jáne olardy buzǵany úshin jaýapkershilikti qatańdatý máseleleri boıynsha ózgerister men tolyqtyrýlar engizý týraly» QR zańy kúshine engen. Osyǵan sáıkes, kepildik óteýlerin alý úshin salymshylar jarty jyl ishinde tólemshi bank-agent bolyp tabylatyn «BankSentrKredıt» aksıonerlik qoǵamynyń kez  kelgen bólimshesine habarlasa alady. Al bes mıllıon teńgeden asatyn salym somasynyń qaldyǵy men oǵan tıesili syı­aqyny «Valıýt-Tranzıt Bank» AQ taratý komıssııasy tóleıtin bolady. Qaırat ÁBILDINOV, «Egemen Qazaqstan». QARAǴANDY.