ATYRAÝ. 12 mamyr. Atyraý oblysynda kesheden beri tolassyz jańbyr jaýyp, jurtshylyqty ábden ábigerge saldy. Bul týraly egemen.kz tilshisi habarlady.
Tótenshe jaǵdaılar departamenti taratqan málimetke qaraǵanda, 11 mamyrdan beri nóser jaýynmen birge uıytqı soqqan jeldiń jyldamdyǵy sekýndyna 15-20 metrge jetken. Nóser jaýynnan jeke sektordaǵy 12 úıge sýǵa ketý qaýpi tóndi. Bul derek áli de anyqtalý ústinde.
Jaýyn saldarynan Atyraý qalasynyń kósheleri sýǵa toldy. Jańbyr sýyn sorýǵa arnaýly kólikter tartylýda. Joǵaryda aıtylǵan jeke sektordaǵy 12 úıden 35 adam qaýipsiz jerge kóshirildi.
Joldasbek Shópeǵul.
Derek:egemen.kz.
Sýret: Tótenshe jaǵdaılar departamenti.
