AQSh azamattyǵynan bas tartqan amerıkalyqtar kóbeıip otyr

ASTANA. 12 mamyr. Shetelderde turatyn amerıkalyqtardyń AQSh azamattyǵynan bas tartýshylyǵy bıyl rekordtyq kórsetkishke jetti. Bul týraly «Rossııskaıa gazeta» habarlady. AQSh ishki salyq qyzmetiniń resmı statıstıkasy boıynsha, tek 2015 jyldyń birinshi toqsanynda ǵana 1,3 myń amerıkalyq azamattyqtan shyǵý jóninde aryz jazǵan. Bulaısha azamattyqtan bas tartýshylar sanynyń kúrt ósýine ákimshiliktiń shet elderde júrgen óz azamattarynyń tabystaryn anyqtaýǵa baǵyttalǵan salyq saıasatynyń qatańdanyp ketkeni sebep bolyp otyrǵan sııaqty. Atap aıtqanda, 2010 jyly qabyldanǵan zań álemdegi barlyq banktardy AQSh azamattarynyń esepshottary málimetterdi Amerıka ókimetine usynyp turýǵa mindetteıdi. Al bul talapty oryndaýǵa shamamen 110 eldegi qarjy ınstıtýttary óz kelisimderin bergen eken. Barak Obama ákimshiligi bul zańdy «salyqtan jaltarýmen kúrestiń halyqaralyq standarty» dep baǵalady. Alaıda, shet elderde turatyn kóptegen amerıkalyqtar muny shekten shyqqan shara retinde qabyldap, qatty synǵa alyp otyr. Qurysh Nurymbet. Derek, sýret: Rossııskaıa gazeta.