Qazaq ýnıversıtetinde «Aınalańdy nurlandyr!» festıvali ótkizildi

ASTANA. 12 mamyr.  Qazaqstan halqy Assambleıasynyń 20 jyldyǵyn atap ótý aıasynda ál-Farabı atyndaǵy Qazaq Ulttyq ýnıversıtetinde «Aınalańdy nurlandyr!» atty  festıval bolyp ótti. Bul týraly egemen.kz habarlady. Atalmysh joba budan 4 jyl buryn ýnıversıtet rektory, akademık Ǵalymqaıyr Mutanovtyń bastamasymen qolǵa alynǵan bolatyn. Sodan beri ol óziniń jalǵasyn taýyp, jemisin berip keledi. Kesh barysynda fılologııa, ádebıettaný jáne álem tilderi fakýltetiniń dekany Omarhan Ábdimanulyna sóz alyp, árbir tulǵanyń óz boıynda adamı qundylyqtardy qalyptastyrýǵa nazar aýdarýy kerektigin atap ótti. Al jaratylystaný fakýltetterine arnalǵan shet tili kafedrasynyń mengerýshisi Aıjan Moldaǵalıeva jobanyń tarıhyna toqtaldy. Ol óz sózinde Koreıa ǵalymy Iýng Sıl Kımniń «Brighten your corner where you are!» degen kitabyndaǵy osy qozǵalystyń negizgi tujyrymdamalyq ustanymdarǵa nazar aýdardy. Shara barysynda hımııa jáne hımııalyq tehnologııa fakýltetiniń stýdentteri A. Esenbekov, Q. Erǵalı,  A. Áshimjan, N. Ormanbek, A. Dúısenbaı óz shyǵarmalarynan úzindiler oqydy. Olar sonymen qatar Abaıdyń qara sózderin qazaq, aǵylshyn, orys tilderinde aıtyp berdi. Budan basqa, kóptegen stýdentter aǵylshyn tilindegi tanymal ánderdi naqyshyna keltire oryndady. QazUÝ  ǵylymı keńesi bekitken «100 kitap» rýhanı jobasynyń da jastar úshin mańyzyn aıta ketken jón. Osy oraıda «Mehanıka-matematıka» fakýltetiniń stýdentteri aǵylshyn aqyny jáne dramatýrgi Ýılıam Shekspırdiń «Korol Lır» atty koıylymynan úzindi kórsetti. Qaırat Qulymbet. Derek, sýret: egemen.kz.