Qyzylordada polısııaǵa baǵynbaǵandar jazalandy

QYZYLORDA. 12 tamyz. Bıylǵy jyldyń 7 aıynda polısııa qyzmetkerleriniń qyzmettik mindetterin atqarý kezinde olardyń zańdy talabyna baǵynbaý, qarsylyq kórsetý jáne kúsh qoldaný boıynsha 14 fakt tirkeldi. Olar boıynsha qylmystyq ister qozǵalyp, sotqa jiberildi. Bul týraly egemen.kz tilshisi habarlady. Sondaı bir ǵana oqıǵany aıtaıyq. Jedel basqarý ortalyǵynyń ınspektory beınebaqylaý kamerasy arqyly Muratbaev kóshesiniń boıynda «Neksııa» markaly avtokóliktiń qarsy baǵytyna shyǵyp, jol qozǵalysy erejesin buzǵandyǵyn baıqaıdy. Jedel túrde osy aýmaqqa jaýapty «Boran-9» ekıpajy qyzmetkerlerine habar beredi. Polısııa qyzmetkerleri atalǵan avtokólikti toqtatyp, qujattaryn suraý barysynda, 1990 jyly týǵan qala turǵyny bılik ókiliniń zańdy talabyna baǵynbaı, qatty jyldamdyqpen júrip ketedi. Zań buzýshy polısııanyń kishi serjantyn 10 metrdeı qashyqtyqqa deıin súıretip, birneshe dene jaraqattaryn salǵan. Tártipke baǵynbaı, zań ókilderine murnyn shúıire qaraǵandar tıisti jazasyn alady. Erjan Baıtiles. Derek: egemen.kz. Sýret: idrive.kz.