Syr óńirinde qurylys qarqyndy júrip jatyr

QYZYLORDA. 12 tamyz. Bıyl Qyzylorda oblysynda 83 nysan paıdalanýǵa berilmek. Bul ótken jylmen salystyrǵanda 3,5 esege artyq. Bul týraly egemen.kz tilshisi habarlady. Qyzylorda oblysy qurylys salý qarqyny boıynsha respýblıkada aldyńǵy qatarǵa shyqty. Búginde bilim berý salasy boıynsha 24 nysannyń qurylysy júrgizilýde. Jyl sońyna deıin onyń 20-sy el ıgiligine beriledi. Sonymen qatar, osy jyly jetim balalarǵa qamqorlyq jasaý maqsatynda «Balalar aýyly» paıdalanýǵa berildi. Densaýlyq saqtaý salasy boıynsha 6 nysannyń qurylysy júrgizilýde. Onyń 3-i jyl sońynda ashylady. Mádenıet salasy boıynsha bıyl 7 aýyldyq klýb, kitaphana jáne murajaıdyń qurylysy júrgizilýde. Sport salasyna kelsek, jyl sońyna deıin ıppodromnyń jáne Boks ortalyǵynyń qurylysy aıaqtalady. Sonymen qatar, qaladaǵy Ǵ.Muratbaev atyndaǵy stadıonnyń qosalqy alańy qaıta jańǵyrtylady. Buǵan qosa, bıyl Ilıa Ilın atyndaǵy aýyr atletıka halyqaralyq ortalyǵy men 3 myń oryndyq jabyq fýtbol manejiniń qurylysy bastalady. Erjan Baıtiles. Derek: egemen.kz. Sýret: diapazon.kz.