Memleket basshysy Qyrǵyzstan prezıdentimen kezdesti

ASTANA. 12 tamyz. Elbasy Qyrǵyz Respýblıkasynyń prezıdenti Almazbek Atambaevpen kezdesti. Bul týraly akorda.kz habarlady. Kezdesý barysynda eki memlekettiń kóshbasshylary eýrazııalyq yqpaldastyq máselelerin jáne Qyrǵyzstannyń Eýrazııalyq ekonomıkalyq odaqqa kirýine baılanysty ózara is-qımyldyń, sondaı-aq oǵan EAEO aıasynda qoldaý kórsetýdiń jańa jaǵdaılaryn talqylady. Sonymen qatar, ekijaqty qarym-qatynastyń ahýaly men onyń ınvestısııa, ónerkásip, jol qurylysy, týrızm jáne basqa salalardaǵy perspektıvalary qarastyryldy. Memleket basshysy qazaq-qyrǵyz qarym-qatynasy árdaıym joǵary deńgeıde ekenin, Qyrǵyzstannyń EAEO-ǵa kirýi qazirdiń ózinde 1 mıllıard dollardan asatyn taýar aınalymyn odan ári jandandyra túsýge jaǵdaı týǵyzatynyn aıtty. Nursultan Nazarbaev atap ótkendeı, kedendik shekaralardy ashý ekijaqty ekonomıkalyq qatynastarǵa oń yqpal etip, bıznes úshin jańa múmkindikterge jol ashady. Qazaqstan men Qyrǵyzstan prezıdentteri óńirlik qaýipsizdik máseleleri jáne halyqaralyq kún tártibindegi ózekti jaıttar jóninde de pikir almasty. Memleket basshysy Qyrǵyzstan A.Atambaevtyń basshylyǵymen ornyqty damý qarqynyn kórsetip otyrǵanyna nazar aýdardy. Qyrǵyz kóshbasshysy Qazaqstannyń Ortalyq Azııadaǵy jetekshi rólin ataı otyryp, saparlap kelgeni jáne jemisti yntymaqtastyq úshin Nursultan Nazarbaevqa alǵys aıtty. Aıdar О́risbaev. Derek, sýret: akorda.kz.