Jádiger • 16 Qańtar, 2026

Momyshulynyń qoljazbasy

10 ret

kórsetildi

1 mın

oqý úshin

B.Momyshuly 1928 jyldan 1982 jyl aralyǵynda óz basynan ótken árbir qıly sátti qaǵazǵa túsirip, qoljazbalaryn muqııat saqtaǵan. Sóıtip, ol jazǵandaryn (arab, latyn, kırıll árpindegi) maıdanǵa barǵan jazýshylarǵa berip, 1943 jyly elge demalysqa kelgende de shetinen arhıvke ótkizip otyrǵan. 1961 jyly Mekemtas Myrzahmetuly batyrdyń 3000-nan asa qujatyn júıeletip (biraz qujattaryn úı arhıvinde qaldyryp), Almatydaǵy Ortalyq arhıvke óz qolymen ótkizgen.

Egemen Qazaqstan

Myna «Men jazǵan hattar» degen bir bettik jazba – áli esh jerde jarııalanbaǵan sony qujat. Baýyrjan atamyz Ortalyq arhıvke qujattaryn ótkizer aldynda 1942–1943 jyldary Qazaqstandaǵy ókimet basynda túrli qyzmetterde otyrǵan J.Shaıahmetov, N.Ońdasynov, M.Ábdihalyqov jáne Qazaqstan jazýshylaryna arnap jazǵan hattaryn bir bólek toptap, arhıvke ótkizerde jazǵanyn ańǵarýǵa bolady.

Baýyrjan atamyz sonaý surapyl jyldardyń ózinde qolynan qarýyn, qalamyn tastamaı, úlken máseleler kóterip, ony ókimet basshylary men belgili aqyn-jazýshylarǵa arnap hat retinde joldaǵan eken. Sol hattarynyń tolyq mátini Baýyrjan Momyshulynyń 100 jyldyǵyna oraı «О́ner» baspasynan M.Myrzahmetulynyń basqarýymen «Baýyrjan Momyshuly HHI ǵasyr kóginde» atty ǵylymı-zertteý ortalyǵy daıyndaǵan 30 tomdyq shyǵarmalar jınaǵyna endi.

Álimbaı NAIZABAEV,

M.H.Dýlatı atyndaǵy Taraz óńirlik ýnıversıteti, «Baýyrjantaný» ǵylymı-zertteý ortalyǵynyń aǵa ǵylymı qyzmetkeri