Bas prokýratýranyń habarlaýynsha, alaıaqtyq shemasy qarapaıym. Paıdalanýshyǵa Telegram arqyly shekteýsiz qoljetimdi úlken kitaphanaǵa kirýge bolatyny týraly habarlama keledi. Qajetti kitapty suratqannan keıin bot naqty servıske uqsas áreket jasap, kitaptyń qysqasha mazmunyn usynady. Alaıda kitapty oqý nemese júkteý ornyna «arnaıy qosymsha» degen jeleýmen vırýsy bar faıl jiberedi.
– Mundaı faıldy ornatý aýyr saldarǵa ákelýi múmkin. Atap aıtqanda, parolder men aqsha qarajatynyń urlanýy, hat-habarlar men jeke fotosýretterge qol jetkizý, smartfondy qashyqtan basqarý jáne jeke derekterdiń joǵalýy qaýpi bar, – delingen habarlamada.
Jalǵan túbirtekpen dúken satýshylaryn san soqtyrǵan alaıaq ustaldy
Prokýratýra ókilderi resmı emes derekkózderden alynǵan bógde qosymshalardy ornatý kıberqaýipsizdikke eleýli qater tóndiretinin eskertedi. Vedomstvo azamattardy kıbergıgıena qaǵıdalaryn qatań saqtaýǵa jáne jeke saqtyq sharalaryn kúsheıtýge shaqyrdy.
Mamandardyń aıtýynsha, jeke qyraǵylyq pen qaýipsizdik talaptaryn saqtaý – mundaı ınternet-qaýipterden qorǵanýdyń negizgi joly.
