Qazaqstan Respýblıkasy Investısııalar jáne damý mınıstrliginiń buıryǵy  №142

2015 jylǵy 23 aqpan, Astana qalasy Memlekettik qyzmetter kórsetý monıtorıngi aqparattyq júıesiniń aqparattyq júıelermen aqparat almasý qaǵıdalaryn bekitý týraly «Aqparattandyrý týraly» 2007 jylǵy 11 qańtardaǵy №217 Qazaqstan Respýblıkasy Zańynyń 6-babynyń 5-3) tarmaqshasyna sáıkes buıyramyn: 1. Qosa berilip otyrǵan Memlekettik qyzmetter kórsetý monıtorıngi aqparattyq júıesiniń aqparattyq júıelermen aqparat almasý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (S.S.Sársenov): 1) osy buıryqty Qazaqstan Respýblıkasy Ádilet mınıstrliginiń zańnamada belgilengen tártipte memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on kúntizbelik kún ishinde onyń kóshirmesiniń merzimdik baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesine resmı jarııalaýǵa jiberilýin; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy jarııalaý; 4) osy buıryqtyń Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardy oryndaý týraly málimetti usynýdy qamtamasyz etsin. 3. Osy buıryqtyń oryndalýy Qazaqstan Respýblıkasy Investısııalar jáne damý vıse-mınıstri A.Q.Jumaǵalıevke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Investısııalar jáne damý mınıstriniń mindetin atqarýshy J.QASYMBEK. Qazaqstan Respýblıkasy Investısııalar jáne damý mınıstri mindetin atqarýshysynyń 2015 jylǵy 23 aqpandaǵy №142 buıryǵymen bekitilgen Memlekettik qyzmetter kórsetý monıtorıngi aqparattyq júıesiniń aqparattyq júıelermen aqparat almasý qaǵıdalary 1. Jalpy erejeler 1. Osy Memlekettik qyzmetter kórsetý monıtorıngi aqparattyq júıesiniń aqparattyq júıelermen aqparat almasý qaǵıdalary (budan ári – Qaǵıdalar) «Aqparattandyrý týraly» Qazaqstan Respýblıkasynyń 2007 jylǵy 11 qańtardaǵy Zańynyń 6-baby 5-3) tarmaqshasyna sáıkes ázirlendi jáne Memlekettik qyzmetter kórsetý monıtorınginiń aqparattyq júıesi kórsetiletin qyzmetti berýshilerdiń aqparattyq júıelerimen aqparat almasý tártibin aıqyndaıdy. 2. Osy Qaǵıdalarǵa sáıkes Qazaqstan Respýblıkasynyń memlekettik qupııalaryn quraıtyn málimetter memlekettik qyzmetter kórsetý monıtorıngi aqparattyq júıesiniń aqparattyq júıelerimen almasýǵa jatpaıdy. 3. Aqparat almasý prosesinde paıdalanylatyn málimetterdiń qaǵaz tasyǵyshtaǵy qujattardyń málimetterimen máni birdeı bolady. 4. Aqparat almasý memlekettik qyzmetterdi kórsetý kezinde memlekettik organdar men laýazymdy tulǵalarǵa zańdyq máni bar faktilerdi rastaıtyn qujattardyń az sanyn usynýdyń qaǵaz qujat aınalymyn boldyrmaýdy (azaıtýdy) qamtamasyz etedi. 5. Osy Qaǵıdalarda mynadaı termınder men anyqtamalar qoldanylady: 1) aqparattyq júıe - aqparatty saqtaý, óńdeý, izdeý, taratý, berý jáne usynýǵa,apparattyq - baǵdarlamalyq keshendi qoldanýǵa arnalǵan júıe; 2) aqparattyq ózara is-qımyl – «elektrondyq úkimet» aqparattyq júıeleriniń arasynda aqparat almasýdy jáne málimetter berýdi uıymdastyrý úshin jeli aralyq baılanystyrý prosesi; 3) kórsetiletin qyzmetti alýshy – ortalyq memlekettik organdardy, Qazaqstan Respýblıkasynyń sheteldegi mekemelerin, oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdaryn, qaladaǵy aýdandardyń, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimderin qospaǵanda, jeke jáne zańdy tulǵalar. 4) kórsetiletin qyzmetti berýshi – Qazaqstan Respýblıkasynyń zańnamasyna sáıkes memlekettik qyzmetter kórsetetin ortalyq memlekettik organdar, Qazaqstan Respýblıkasynyń sheteldegi mekemeleri, oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdary, qaladaǵy aýdandardyń, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimderi, sondaı-aq jeke jáne zańdy tulǵalar; 5) Qazaqstan Respýblıkasynyń Ulttyq kýálandyrýshy ortalyǵy(budan ári - QR UKO) – elektrondyq sıfrlyq qoltańbanyń ashyq kiltiniń elektrondyq sıfrlyq qoltańbanyń jabyq kiltine sáıkestigin kýálandyratyn, sondaı-aq tirkeý kýáliginiń durystyǵyn rastaıtyn zańdy tulǵa; 6) memlekettik qyzmetterdi kórsetý monıtorınginiń aqparattyq júıesi –memlekettik qyzmetterdi kórsetý prosesin avtomattandyrýǵa jáne monıtorıngine arnalǵan,onyń ishinde halyqqa qyzmet kórsetý ortalyqtary arqyly kórsetiletin aqparattyq júıe. 7) habarlama –aqparattyq júıesinen memlekettik aqparattyq júıege aqparatty usyný jáne odan keri usyný nysany; 8) halyqqa qyzmet kórsetý ortalyǵy (budan ári - HQO) – Qazaqstan Respýblıkasynyń zańnamasyna sáıkes «bir tereze» qaǵıdaty boıynsha memlekettik qyzmetter kórsetýge ótinishter qabyldaý jáne olardyń nátıjelerin kórsetiletin qyzmetti alýshyǵa berý jónindegi jumysty uıymdastyrýdy júzege asyratyn, sondaı-aq aqparattyq júıelerden málimetter alý arqyly elektrondyq nysanda memlekettik qyzmetter kórsetýdi qamtamassyz etetin zańdy tulǵa. 9) elektrondyq sıfrlyq qoltańba – elektrondyq sıfrlyq qoltańba quraldarymen qurylǵan jáne elektrondyq qujattyń durystyǵyn, onyń tıistiligi men mazmunynyń ózgermeıtindigin rastaıtyn elektrondyq sıfrlyq tańbalardyń jıyntyǵy. 2. Memlekettik qyzmetter kórsetý monıtorıngi aqparattyq júıesiniń aqparattyq júıelermen aqparat almasý tártibi 6. Memlekettik qyzmetter kórsetý monıtorıngi aqparattyq júıesiniń qyzmetti berýshilerdiń aqparattyq júıelerimen ózara aqparat almasýy úsh sanat boıynsha: 1) memlekettik qyzmetterdi kórsetý mártebesin alý; 2) memlekettik derekter qorynda jáne basqa da kórsetiletin qyzmetti berýshilerdiń aqparattyq júıelerinde turatyn qujattar boıynsha málimetterdi alý; 3) kórsetiletin qyzmetti alýshylarǵa qyzmet kórsetýge ótinimder berý men alý boıynsha júıelerdiń yqpaldasýyn bildiredi. Memlekettik qyzmetterdi kórsetý mártebesin alý boıynsha yqpaldastyrý memlekettik qyzmetterdi kórsetý monıtornıngin iske asyrý maqsatynda kórsetiletin qyzmetti berýshilermen qabyldanatyn memlekettik qyzmetterdi kórsetýge ótinimderdi oryndaý jónindegi mártebelerdi memlekettik qyzmetterdi kórsetý monıtorıngisi aqparattyq júıesine kórsetiletin qyzmetti berýshilerdiń aqparattyq júıelerinen berýdi boljaıdy. Kórsetiletin qyzmetti alýshydan suralatyn qujattar týraly málimetterdi alý boıynsha yqpaldasý memlekettik qyzmetterdi kórsetý prosesinde talap etiletin elektrondyq túrdegi qujattar boıynsha málimetterdi berýdi boljaıdynemese memlekettik derekter qorynda jáne basqa da kórsetiletin qyzmetti berýshiler aqparattyq júıelerinde ustalatyny týraly málimetter, qujattardyń qaǵaz kóshirmelerin boldyrmaý maqsatynda memlekettik qyzmetterdi kórsetý nátıjeleri bolyp tabylady. Memlekettik qyzmetterdi kórsetýge ótinimderdi alý jáne berý boıynsha yqpaldasý kórsetiletin qyzmetti berýshige memlekettik qyzmetterdi kórsetýge ótinimder berýdi jáne nátıjesin HQO-ǵa berýdi boljaıdy. 7. Memlekettik qyzmetter kórsetý monıtorınginiń aqparattyq júıesiniń aqparattyq júıelermen aqparat almasý tártibi tómende berilgen: 1) kórsetiletin qyzmetti alýshy HQO-ǵa nemese ýákiletti organǵa memlekettik kórsetiletin qyzmetti alý maqsatynda júgingen kezinde HQO jumyskeri nemese ýákiletti organnyń jumyskeri memlekettik qyzmetterdi kórsetý standarttaryna sáıkes, qajetti qujattar boıynsha olardan málimetterdi alý maqsatynda memlekettik qyzmetter kórsetý monıtorınginiń aqparattyq júıesinen (ýákiletti organnyń aqparattyq júıesi bolmaǵan jaǵdaıda) suraý salýǵa bastama jasaıdy. 2) HQO jumyskeri nemese ýákiletti organnyń jumyskeri memlekettik qyzmetterdi kórsetý monıtorıngi aqparattyq júıesinde memlekettik qyzmetterdi kórsetýge ótinim toltyrady (ýákiletti organnyń aqparattyq júıesi bolmaǵan jaǵdaıda) jáne memlekettik qyzmetterdi kórsetý standarttaryna sáıkes qajetti qujattardyń elektrondyq qujattaryn qosa beredi; 3) memlekettik qyzmetti alýǵa jáne kórsetiletin qyzmetti alýshyǵa usynylatyn qujattar men kórsetilgen málimetterdi tıisti tekserýge kelisýdikórsetiletin qyzmetti alýshy jazbasha nemese elektrondy sıfrly qoltańbany qoldanýmen rastaıdy; 4) «suraý salý» túrindegi habarlama kórsetiletin qyzmetti berýshiniń aqparattyq júıesi úshin qalyptastyrylady jáne shyǵys málimetterdi berý úshin arnalǵan. 5) kórsetiletin qyzmetti berýshiniń aqparattyq júıesi suraý salýdy qabyldaıdy jáne óńdeıdi, memlekettik qyzmetterdi kórsetý monıtorıngi aqparattyq júıesine suraý salýdy óńdeý nátıjesimen «jaýap» habarlamasyn beredi. 8. Suraý salýdy óńdeý mártebesi memlekettik qyzmetterdi kórsetý monıtorıngin iske asyrý maqsatynda qyzmetti alýshynyń júgingen jaǵdaıynda memlekettik qyzmet kórsetý monıtorıngi aqparattyq júıesine jiberiledi. 9. Habarlamanyń jóneltý jáne alý faktisi aqparattyq júıelerde tirkeledi. Elektrondyq baılanys bolmaǵan kezde nemese habarlamany jiberýde kedergi keltiretin basqa da sebepter týyndaǵanda jetkizilmegen habarlamalar kezekte jınalady. Apatty jaǵdaıdy joıǵannan keıin, jetkizilmegen habarlamalardy jiberý kezekten jańartylady, Astana qalasynyń ýaqyty boıynsha habarlamanyń naqty jetkizilý merzimi jáne ýaqytymen memlekettik qyzmet kórsetý monıtorıngi aqparattyq júıesine jazylady. 10. Aqparattyq almasý úrdisinde barlyq ýaqytsha parametrlerdi tirkeý Astana qalasynyń ýaqyty boıynsha júrgiziledi. Aqparattyq almasýdyń ýaqytsha sıpattamalary memlekettik qyzmet kórsetýdiń árbir kezeńine bólingen ýaqyttan aspaýy tıis. 11. Aqparat almasý kezinde aqparatty qorǵaý memlekettik organdardyń biryńǵaı qorǵalǵan kóliktik ortasyn, aqparatty kepildi jetkizýdiń baǵdarlamalyq quralyn paıdalaný esebinen de, sondaı-aq aqparattyq qaýipsizdik boıynsha uıymdastyrýshylyq is-sharalaryn ótkizý esebinen de qamtamasyz etilýi tıis. 12. Qabyldaýǵa/berýge jatatyn málimetter memlekettik qyzmetterdi kórsetiletin ýákiletti tulǵalardyń elektrondyq sıfrlyq qoltańbamen rastalady. Almasý kezinde derekterdiń qorǵalýyn uıymdastyrý úshin QR UKO bergen tirkeý kýálikteri paıdalanylady. Buıryq Qazaqstan Respýblıkasynyń Ádilet mınıstrliginde 2015 jylǵy 27 naýryzda Normatıvtik quqyqtyq kesimderdi memlekettik tirkeýdiń tizilimine №10553 bolyp engizildi.