Ýkraınalyq depýtat qazaqstandyq ardagerge alǵys bildirdi

ASTANA. 13 mamyr. Ýkraınanyń halyq depýtaty Valentın Dıdych Almaty oblysynyń ardageri, Keńes Odaǵynyń Batyry Ivan Vasılevıch Kosenkovqa Dneprden ótý kezinde erlik kórsetkeni úshin alǵysyn bildirdi. Bul týraly «QazAqparat» habarlady. «Qazaqstan Respýblıkasyndaǵy Ýkraına Elshiligine Ýkraınanyń halyq depýtaty V.V.Dıdychten jáne Dnepropetrovsk oblysynyń Solonıansk aýdandyq memlekettik ákimshiligi tóraǵasynyń mindetin atqarýshy T.M.Cherkasskııden hat kelip tústi. Onda Almaty oblysynyń turǵyny, Keńes Odaǵynyń Batyry Ivan Vasılevıch Kosenkovty Jeńistiń 70 jyldyǵymen quttyqtaǵan. Batyrdyń 1943 jyly Dneprden ótý jáne atalǵan aýdannyń Voıskovoe aýylynyń mańynda plasdarmdy ustap turý kezinde erlik tanytqany atalyp ótildi», – dep málimdedi Qazaqstandaǵy Ýkraına Elshiliginiń birinshi hatshysy Leonıd Iаsınskıı. Ivan Kosenkov 1941 jyly jeltoqsanda qyzyl ásker qataryna shaqyrtyldy. 1943 jyly 25 qyrkúıekten 26 qyrkúıekke qaraǵan túni ol óziniń jaýyngerlerimen Ýkraınanyń Dnepropetrovsk oblysynyń Solonıansk aýdanyna qaraıtyn Voıskovoe selosy mańynda Dnepr ózeniniń batys jaǵasyndaǵy plasdarmǵa basyp kirip, ony baqylaýǵa alady. Odan soń Voıskovoe selosynyń ońtústik shetinen buzyp kirgen quram eki márte nemistiń shabýylyn toıtaryp, eki artıllerııalyq qarýyn, eki avtokóligin joıyp, jaý áskeriniń bir top soldaty men ofıserin jer jastandyrdy. Serjant Ivan Kosenkovqa osy janqııarlyǵy úshin KSRO Joǵarǵy Keńesi Prezıdıýmynyń 1944 jylǵy 22 aqpandaǵy Jarlyǵymen «Keńes Odaǵynyń Batyry» degen joǵary ataq pen Lenın ordeni jáne «Altyn juldyz» medali tabystaldy. Esterińizge sala keteıik, «Nur Otan» partııasynyń Jeńistiń 70 jyldyǵyna baılanysty júrgizgen jumystarynyń nátıjesinde Uly Otan soǵysynda Qazaqstannan 580 Keńes Odaǵynyń Batyry shyqqany belgili boldy. Solardan búginde kózi tiri osy Ivan Vasılevıch Kosenkov qana qaldy. Aıdar О́risbaev. Derek: «QazAqparat». Sýret: time.kz.