Qazaqstan Respýblıkasy Investısııalar jáne damý mınıstrliginiń buıryǵy  №35 

2015 jylǵy 21 qańtar, Astana qalasy Relstik kólik quraldaryn tehnıkalyq paıdalaný qaǵıdalaryn bekitý týraly «Jol júrisi týraly» 2014 jylǵy 17 sáýirdegi Qazaqstan Respýblıkasy Zańynyń 51-baby 1-tarmaǵynyń 11) tarmaqshasyna sáıkes BUIYRAMYN: 1. Qosa berilip otyrǵan Relstik kólik quraldaryn tehnıkalyq paıdalaný qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev): 1) osy buıryqtyń zańnamamen beligengen tártippen Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdik baspa basylymdarda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyqty júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý birinshi vıse-mınıstri J.M. Qasymbekke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstriniń mindetin atqarýshy A. Raý. «KELISILDI» Qazaqstan Respýblıkasynyń Ishki ister mınıstri ________________ Q. Qasymov 2015 jylǵy 22 qańtar Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 21 qańtardaǵy №35 buıryǵymen bekitilgen Relstik kólik quraldaryn tehnıkalyq paıdalaný qaǵıdalary № 1 bólim. Jalpy erejeler 1. Negizgi erejeler 1. Relstik kólik quraldaryn tehnıkalyq paıdalaný qaǵıdalary (budan ári – Qaǵıdalar) «Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańyna sáıkes ázirlendi jáne relstik kólik quraldaryn paıdalaný tártibin aıqyndaıdy. 2. Osy Qaǵıdalarda mynadaı termınder paıdalanylady: 1) aralyq - shektes stansııalar (aıaldaý pýnktteri) arasynda oralasqan metropolıten jelisiniń (tramvaı jelisi) bóligi; 2) gabarıt – zattardyń, qurylystardyń, qurylǵylardyń shekti syrtqy geometrııalyq keskini; 3) eńis – kóldeneń syzyqqa eńisi bar joldyń uzyna baıyndaǵy pishininiń elementi. Tómengi núkteden joǵarǵyǵa jyljıtyn jyljymaly quram úshin eńis, kóterilý, al keri jyljıtynǵa - túsý bolyp tabylady; 4) jyljymaly quramnyń gabarıti - sheginen shykpaı jyljymaly quram (tramvaı vagony) relstik jolda ornalasatyn shekti kóldeneń (relstik jol osine perpendıkýlıar) keskin; 5) qyzmettik tejeý - jyldamdyqty birqalypty baıaýlatý nemese kózdelgen jerde toqtatý úshin jyljymaly quramdy tejeý; 6) qurylystardyń jaqyndaý gabarıti – olardy daıyndaý men montajdaýǵa normalanatyn ruqsattardy eskere otyryp, tutas metalkonstrýksııalardyń tireýlerinen basqa, qurylys konstrýksııalary men ǵımarattardyń eshqandaı bólikteri kirmeıtin, jyljymaly quram men jabdyq qana kiretin shekti kóldeneń (jol osine perpendıkýlıar) keskin; 7) metropolıten – kóliktiń ózge túrleriniń jelilerinen jáne jaıaý júrginshilerdiń olarǵa ótý jolynan oqshaýlanǵan (bólingen, bir deńgeıdegi qıylystary joq) joldar boıynsha jolaýshylar men bagajdy turaqty áleýmettik mańyzy bar tasymaldaýdy júzege asyratyn qalalyq relstik kólik túri; 8) metropolıten basqarmasy – jyljymaly quramdy paıdalaný jáne jolaýshylardy tasymaldaý úshin qajetti paıdalanýdy, jóndeýdi, basqarýdy, josparly-taldamalyq jumysty jáne ózge de qyzmet túrlerin qamtamasyz etetin metropolıtenniń basqarýshy quramy (dırektor, bas ınjener, paıdalaný boıynsha dırektordyń orynbasary jáne metropolıten poezdarynyń qozǵalys qaýipsizdigi boıynsha bas revızor); 9) relstik kólik quraldarynyń kólik kásiporny – metropolıtenmen (tramvaı) jolaýshylardy tasymaldaý, relstik kólik quraldaryna tehnıkalyq qyzmet kórsetý jáne jóndeý jónindegi qyzmetpen aınalysatyn zańdy tulǵa; 10) relstik kólik quraldary – kólik jelisin (metropolıten, tramvaı, jeńil relstik, monorelstik kólik) quraıtyn baǵyttaǵyshtarymen arnaıy joldar boıynsha júrýge arnalǵan kólik quraly; 11) sıgnal – shartty kórinetin nemese dybystyq belgi, onyń kómegimen belgili bir buıryq beriledi; 12) tejeýish jol – poezdyń (quramnyń, tramvaı vagonynyń) tejelý sátinen bastap tolyq toqtaǵanǵa deıin ótetin araqashyqty. Tejeýdiń bastalýy tejeýishti basqarý elementiniń (pedal, tutqysh, mashınıst kranynyń tutqasy, toqtatý krany) is-áreketke keltirilý sáti bolyp esepteledi. 13) tramvaı – qala shekarasynda berilgen baǵyttar boıynsha jolaýshylardy tasymaldaýǵa arnalǵan qalalyq relstik kólik túri; 14) túıispeli jeli - elektr energııasynyń jyljymaly quramnyń tok qabyldaǵyshtaryna berilýin qamtamasyz etetin túıispeli relster, kabel jáne jabdyq; 15) ýákiletti memlekettik organ - kólik salasyndaǵy memlekettik saıasattyń iske asyrylýyn, Qazaqstan Respýblıkasy kólik kesheniniń qyzmetin úılestirý men retteýdi júzege asyratyn ortalyq atqarýshy organ; 16) shuǵyl tejeý – óte qysqa ýaqyt aralyǵynda jyljymaly quramdy toqtatý kezinde qoldanylatyn barynsha tejegeshtik áserimen tejeý. № 2 bólim. Metropolıtendi tehnıkalyq paıdalaný tártibi 2. Metropolıtenniń jyljymaly quramyn paıdalaný tártibi 3. Elektr deponyń, elektr jyljymaly quramnyń tehnıkalyq qyzmet kórsetý pýnktteriniń, jóndeý bazalarynyń, motovoz deposynyń jáne jyljymaly quram sharýashylyǵynyń basqa qurylystary men qurylǵylarynyń ornalasýy men tehnıkalyq jabdyqtalýy elektrpoezdar qozǵalysynyń belgilengen mólsherin, jyljymaly quramdy neǵurlym jaqsy paıdalanýdy, oǵan tehnıkalyq qyzmet kórsetý men jóndeýdiń eń joǵary sapasyn qamtamasyz etedi. 4. Jyljymaly quram onyń úzdiksiz jumysyn jáne qozǵalys qaýipsizdigin qamtamasyz etetin jaramdy jaı-kúıde paıdalanýǵa jiberiledi. Jyljymaly quramdy jóndeý jáne oǵan tehnıkalyq qyzmet kórsetýge jaýapty adamdar qandaı da bir aqaýlyqtar paıda bolýynyń aldyn alýyn jáne onyń jumysynyń belgilengen merzimin qamtamasyz etedi. 5. Paıdalanýǵa qabyldanǵan jyljymaly quramnyń konstrýksııasyna ózgerister engizýge tek metropolıtenniń birinshi basshysynyń ruqsatymen jyljymaly quramdy jasaýshymen kelisý boıynsha ruqsat etiledi. 6. Jyljymaly quramnyń árbir birligi mynadaı aıyrym belgilerimen jáne jazýlarmen qamtamasyz etiledi: nómiri, jasap shyǵarýshy zaýyttyń taqtaıshasy, ydysynyń salmaǵy, rezervýarlar men baqylaý aspaptaryn kýálandyrý týraly taqtaıshalar men jazýlar. 7. Jyljymaly quramnyń árbir birligi úshin tehnıkalyq jáne paıdalanymdyq sıpattamalaryn qamtıtyn tehnıkalyq pasport júrgiziledi. 8. Elektrpoezdar quramdardy avtomatty engizý júıesinde poezdy basqarý úshin (budan ári - QAEJ), jyljymaly quramnyń dıagnostıkasy jáne jumysqa qabilettiligin tirkeý úshin jyldamdyq ólsheýishtermen, jyljymaly quramnyń qaýipsizdigi jáne baqylaý (budan ári - ATR/ATO) bort qurylǵylarymen, poezdyq radıobaılanys jáne jolaýshylardy aqparattandyrý tehnıkalyq quraldarymen jabdyqtalady, sondaı-aq olardy poezdar qozǵalysyn avtomatty basqarý qurylǵylarmen jabdyqtaýǵa ruqsat beriledi. 9. Vagonnyń jolaýshylar úı-jaılarynda esikterdi qolmen ashý múmkindigin týǵyzý úshin elektrli-pnevmatıkalyq basqarýdy ajyratý krandary ornatylady. Vagondarda jolaýshylardy daýys zoraıtqysh habarlandyrý qurylǵylary jáne jáne «jolaýshy-mashınıst» shuǵyl baılanysy jaramdy jaı-kúıde ustalady. 10. Vagondardyń elektr jabdyqtary shamadan tys júktelýden, qysqa tuıyqtalý togynan jáne qyzyp ketýden qorǵaıtyn apparatýramen jabdyqtalady. Jyljymaly quramnan sorǵysh jelige poezdar qozǵalysy (budan ári - ATDP) jáne baılanysqa arnalǵan avtomatıka, telemehanıka qurylǵylarynyń qalypty jumysyn buzatyn toktyń túsýine jol berilmeıdi. 11. Qozǵalys qaýipsizdigine qaýip tóndiretin aqaýlyqtary bar, jyljymaly quramdy paıdalanýǵa shyǵarýǵa jáne poezdardyń júrý jolyna jiberýge jol berilmeıdi. 12. Tehnıkalyq qyzmet kórsetýdi jáne jóndeýdi tikeleı júzege asyratyn jumyskerler, sheberler jáne tıisti bólimshelerdiń basshylary jyljymaly quramǵa tehnıkalyq qyzmet kórsetý jáne jóndeý jumystarynyń oryndalý sapasyn qadaǵalaıdy jáne onyń qaýipsiz qozǵalýyn qamtamasyz etedi. 13. Elektrjyljymaly quramnyń tehnıkalyq jaı-kúıi mashınısterdiń (lokomotıvti brıgadalardyń), tehnıkalyq qyzmet kórsetý pýnktteri jumyskerleriniń jáne jóndeý brıgadalarynyń tekserip qaraýy arqyly júıeli tekserýge jatady, sondaı-aq elektrdepo jáne jyljymaly quram qyzmetiniń basshylary merzimdi baqylaıdy. Tehnıkalyq qyzmet kórsetý kezinde mynalar tekseriledi: 1) túıinder men bólshekterdiń jaı-kúıi men tozýy, olardyń belgilengen ólshemderge sáıkestigi; 2) tejegish jabdyǵynyń, avtotirkegish qurylǵylardyń, ATR/ATO qurylǵylary jumysynyń, baqylaý, ólsheý, sıgnal berý aspaptary men qaýipsizdik aspaptarynyń, avtojúrgizýdiń jaramdylyǵy. 14. Mynadaı aqaýlyqtardyń eń bolmaǵanda bireýi bolǵanda, jyljymaly quramdy paıdalanýǵa jol berilmeıdi: 1) pnevmatıkalyq, elektrli, turaqtalǵan nemese qol tejegishiniń aqaýlyǵy; 2) avtotirkegish qurylǵylarynyń aqaýlyǵy; 3) sıgnal berý aspaptarynyń, jyldamdyq ólsheýishtiń aqaýlyǵy; 4) avtotoqtaý qurylǵysynyń aqaýlyǵy; 5) ATR/ATO poezd qurylǵysynyń aqaýlyǵy; 6) poezdyq radıobaılanystyń, daýys zoraıtqysh habarlaǵyshtyń, «jolaýshy-mashınıst» shuǵyl baılanysy qurylǵylarynyń aqaýlyǵy. Qaýipsizdik aspaptarynyń plombalary joq arbasha ramasynda jáne vagon asty jabdyǵynyń basqa da bólshekterinde jaryǵy bar nemese synǵan, sondaı-aq teksergenge jáne paıdalanýǵa berýge jaramdy dep tanylǵanǵa deıin relsten shyqqan nemese soqtyǵysqan elektrjyljymaly quramdy paıdalanýǵa jiberilmeıdi. 15. Elektrjyljymaly quramdy jelige tehnıkalyq tekserýsiz (jóndeýsiz). 16. Elektrjyljymaly quramdaǵy elektrlik qorǵaý qurylǵylary, aýa rezervýarlary, manometrler men pnevmatıkalyq aspaptar kýálandyrýdan nemese revızııadan ótkiziledi. 17. Elektrpoezdar órt sóndirý quraldarymen, aspaptar jıyntyǵymen jáne basqa da qajetti qural-saımandarmen jabdyqtalýy tıis. 18. Elektrpoezǵa mashınıst jáne mashınıst kómekshisi (lokomotıvtik brıgada) mynadaı jaǵdaıda qyzmet kórsetedi: 1) poezda ATR/ATO qurylǵylary bolmaǵan kezde; 2) ATR/ATO poezd qurylǵylary jumys istemegen kezde; 3) poezdy basty emes kabınadan basqarǵan kezde. Jyljymaly quram basty kabınadan basqarylǵan jaǵdaıda, mashınıske kómekshisiz stasıonarlyq joldarda manevrlik qozǵalys jasaýǵa ruqsat beriledi. Basty emes kabınadan basqarylǵan jaǵdaıda, stasıonarlyq joldardaǵy manevrlik qozǵalysty lokomotıvtik brıgada jasaıdy. 19. Mashınıske jumys jaǵdaıyndaǵy elektrjyljymaly quramdy, oǵan qyzmet kórsetý erejelerin jáne ony qalaı toqtatýdy biletin jumyskerdiń baqylaýynsyz qaldyrýǵa jol bermeıdi. Mashınıstiń jolǵa shyǵýyn talap etetin jumysty oryndaý úshin turaq nemese qol tejeýishimen joldyń uzyna boıyndaǵy pishinine baılanysty tejeý sanymen quram vagondaryn tejep, quramnyń júrip ketýin teksergennen keıin elektrjyljymaly quramdy qaldyrýǵa ruqsat beriledi. Qajet bolǵan jaǵdaıda mashınıstiń ótinimi boıynsha túıispeli relsiten kerneýdi alý júrgiziledi. 20. Aqaýly quramdy elektrdepoǵa jetkizý laýazymdy tulǵalardyń basshylyǵymen jáne laýazymdy adamdardyń alyp júrýimen júrgiziledi. 21. Kúrdeli, orta nemese kótergish jóndeýden shyqqan vagondar tekserilip, synnan ótkizýge arnalǵan jeliler men joldarda synnan ótýge jatady jáne olardy elektrjyljymaly quramdy qabyldaýshy qabyldaıdy. 3. Metropolıtenniń tejegish jabdyǵyn jáne avtotirkegish qurylǵysyn kútip - ustaý tártibi 22. Jyljymaly quram avtomatty pnevmatıkalyq tejegishter (avtotejeýishter) bolǵan kezde paıdalanylady. Avtomattyq pnevmatıkalyq tejegishterden basqa, jolaýshylar men júkterdi tasymaldaýǵa arnalǵan elektrjyljymaly quram elektr tejegishtermen de jabdyqtalady. Bul rette vagonnyń árbir osi tejegish. Avtomattyq pnevmatıkalyq tejegishter jáne olardyń elementteri belgilengen normalar boıynsha ustalady, paıdalanýdyń ártúrli jaǵdaılarynda is-qımyldardyń basqarylýyn jáne senimdiligin, tejeýdiń birqalyptylyǵyn, sondaı-aq áýe tejeýish magıstrali bólingen nemese ajyraǵan kezde, toqtatý kranyn (krandy nemese shuǵyl tejeý knopkasyn) ashqan nemese avtotoktatqyshtyń klapany úzilgen kezde poezdyń toqtaýyn qamtamasyz etedi. Elektrjyljymaly quramnyń avtomatty pnevmatıkalyq jáne elektrlik tejeýishteri vagondardy ártúrli tıeý kezinde tejeý jolynyń turaqtylyǵyn saqtaý úshin avtorejım qurylǵysymen qamtamasyz etiledi jáne dońǵalaq juptarynyń synalanýyn boldyrmaıtyn jáne shuǵyl tejelý nemese osy Qaǵıdalardyń 1-qosymshasynda keltirilgen, eseptik tejeýish jolynan aspaıtyn qashyqtyqta ATR/ATO qurylǵylarynan tejeý kezinde poezdyń toqtaýyna kepildik beretin tejeý kúshin qamtamasyz etedi. Osy Qaǵıdalarǵa 1-qosymshada keltirilgen shuǵyl tejeý kezinde ashyq jer ústi jáne olarǵa teńestirilgen ýchaskeler úshin eseptik tejegish jolynyń uzyndyǵy 50 % ulǵaıady. Naqty tejeý joldarynyń eseptige sáıkestigi merzimdi tekseriledi. 23. Elektrjyljymaly quram mashınısiniń árbir kabınasy kran nemese jedel tejeýge arnalǵan knopkamen, al vagonnyń qarama-qarsy bóliginde –oryndyqtyń arqa jaǵynda qysqartylǵan shtangasy jáne tutqasy bar toqtatý kranymen jabdyqtalady. Mashınıstiń kabınasy joq vagonynda toqtatqysh krandar oryndyqtardyń arqasynyń artynan vagonnyń eki artqy bóliginde ornastyrylady. Lokomotıvterdi tasymaldaýǵa arnalǵan arnaıy jyljymaly quram toqtatý krandarymen jabdyqtalady. 24. Ajyraýy nemese synýy gabarıtten shyǵýyn nemese jolǵa qulaýǵa ákelýi múmkin vagondardyń barlyq toraptary men bólshekteri saqtandyrǵysh qurylǵylarymen qamtamasyz etiledi. 25. Tirkeme salmaǵynyń massasyn esepke ala otyryp, lokomotıvterdiń naqty tejeýish joldary, eseptik tejeýish joldaryna sáıkestigine merzimdi tekseriledi. 26. Jyljymaly quram jaramdy avtotirkegishpen jabdyqtalady. 27. Jyljymaly quramdy daıyndaýshy jumysker (aǵa sheber, sheber, brıgadır) quramdaǵy vagondardyń durys tirkelýin qamtamasyz etedi. 28. Sharýashylyq poezynyń mashınısi sharýashylyq poezynyń quramyndaǵy jyljymaly birlikterdiń durys tirkelýin qamtamasyz etedi. 4. Metropolıtenniń dońǵalaq juptaryn paıdalaný tártibi 29. Árbir dońǵalaq jubynyń osinde dońǵalaq juptarynyń qalyptastyrylǵan ýaqyty men jeri jáne tolyq kýálandyrylýy týraly anyq qoıylǵan belgileri, sondaı-aq ony qalyptastyrý kezinde qabyldaý týraly tańbasy bolady. Belgiler men tańbalar belgilengen jerlerge qoıylady. Dońǵalaq juptary jyljymaly quram astyndaǵy tekserýden, ádettegi jáne tolyq kýálandyrýdan ótýi kerek. 30. Júktelmegen dońǵalaqtar jubyn onyń ishki qyrlarynyń arasyndaǵy qashyqtyq 1440 mıllımetr (budan ári – mm) bolǵanda paıdalanýǵa ruqsat etiledi. Aýytqýlarǵa ulǵaıý nemese azaıý jaǵyna 3 mm aspaǵanda ruqsat etiledi, al jańa daıyndalatyn dońǵalaq juptary úshin: ulǵaıý jaǵyna qaraı 1 mm-ge, azaıý jaǵyna – 3 mm-ge deıin ruqsat etiledi. Júktelgen dońǵalaq jubynyń tómengi núktesindegi dońǵalaqtardyń ishki qyrlarynyń arasyndaǵy qashyqtyqty mólsherden 2 mm asyrmaı azaıtýǵa ruqsat etiledi. 31. Dońǵalaq juptarynyń mynadaı tozýlary men zaqymdanýlarynyń eń bolmaǵanda birýi bolǵan kezde jyljymaly quramdy paıdalanýǵa shyǵarýǵa jol berilmeıdi: 1) dońǵalaq juptary osiniń kez kelgen bóliginde syzat nemese elektrlik tutaný; 2) rezeńkeli dońǵalaq juptary úshin domalaý sheńberi boıynsha birkelki jeliný 3 mm asa, tutastaı ılemdelgen dońǵalaq juptary úshin 5 mm asa, sondaı-aq dońǵalaqtardyń jeliný aıyrmashylyǵymen bir dońǵalaq juby úshin 2 mm astam bolǵanda; 3) úzilgen klapandarmen ornatylǵan dońǵalaq juptary úshin domalaý sheńberi boıynsha árkelki jeliný – 0,5 mm asa, basqa dońǵalaq juptary úshin - 0,7 mm –den astam bolsa; 4) jaldyń qalyńdyǵy – 33 mm-den astam nemese jaldyń basynan 18 mm qashyqtyqtan ólshegen kezde 25 mm-den az bolǵanda; 5) jaldyń arnaýly shablonymen jáne úshkir tósemimen ólshenetin bıiktiktegi jaldyń tik qııýy 18mm-den astam bolǵanda; 6) domalaý beti boıynsha oıyq (shuńqyr) tereńdigi 0,3 mm astam bolǵanda; 7) kez kelgen elementte syzat nemese jiktelý, bandajda synyq nemese qabyrshaq bolǵanda, sondaı-aq domalaý betindegi jaryq torlary belgilengen mólsherden kóp bolsa; 8) bandaj qondyrǵyshy nemese beketke shyǵyry bosaǵanda, dońǵalaq kúpshegi nemese tisti dońǵalaǵy jyljyǵan; 9) dońǵalaqtyń domalaý ústindegi ýatylyp bitýi 200 mm, tereńdigi 1mm-den astam bolǵanda; 32. Dońǵalaq juptaryn kýálandyrý men jóndeý arnaıy jóndeý pýnktterinde osy jumysty oryndaýǵa quqyǵy bar adamdar júrgizedi. 5. Metropolıten ınfraqurylymyn paıdalaný tártibi № 1 paragraf. Jalpy erejeler 33. Metropolıten basqarmasy metropolıten qurylystary men qurylǵylaryn jaramdy jaı-kúıde kútip-ustaýdy qamtamasyz etedi jáne poezdardy barynsha joǵary belgilengen jyldamdyqpen ótkizýdi qamtamasyz etedi. Qurylystar men qurylǵylardyń qandaı da bir aqaýlyqtardyń paıda bolýynyń aldyn alý jáne olardyń qyzmet etýiniń uzaq merzimderin qamtamasyz etýdi olardy kútip-ustaýǵa jaýapty adamdar qamtamasyz etedi. 34. Metropolıten basqarmasy qurylystar, qurylǵylar, mehanızmder jáne jabdyqtardyń qaýipsizdigin qamtamasyz etedi. 35. Metropolıtendi tehnıkalyq paıdalaný sabaqtas joldardyń osteri arasynda, túzý, sondaı-aq qısyq ýchaskelerde radıýsy 500 metr (budan ári – m) jáne odan astam keminde mynadaı qashyqtyq qamtamasyz etiletindeı júzege asyrylady: 1) aralyq tiregi joq qos joldy tonnelderdegi basty joldarda – 3400 mm; 2) kópirler men estakadalarda – 3700 mm; 3) jer ústi ýchaskesindegi basty joldarda, qıylystyq qulama tóselgen jerlerde jáne jyljymaly quramnyń aınalymyna arnalǵan joldarda – 4000 mm; 4) parktik joldarda – 4200 mm; 5) depo joldarynda – 4500 mm; 6) Qazaqstan Respýblıkasynyń temir joldaryndaǵy jyljymaly quramdar aınalysyna arnalǵan parktik joldarda – 4800 mm. Jóndeý jumystary kezinde relster qalpaqshasy deńgeıiniń jobalyq belgisin jáne jospardaǵy joldyń qalpyn ózgertýge metropolıtenniń birinshi basshysynyń ruqsaty boıynsha júrgizýge ruqsat etiledi. 36. Ashyq jyljymaly quramdaǵy júk (qaptamasy men bekitpesin esepke ala otyryp) belgilengen júk tıeý gabarıtteri sheginde ornalastyrylady. Joldyń mańynda túsirilgen nemese tıeýge daıyndalǵan materıaldar nemese jabdyq, olardyń jaqyndaý gabarıti buzbaıtyndaı etip ornalastyrylady jáne bekitiledi. № 2 paragraf. Metropolıten jolynyń jospary men pishini 37. Qısyqtar radıýstary, túzýler men qısyqtardyń janasýy, eńisterdiń tiktigine qatysty metropolıten joly jeliniń bekitilgen jospary jáne pishinimen anyqtalady. 38. Salynyp jatqan jeliniń tonnel jáne jerdegi jabyq ýchaskelerindegi stansııalar bir tegisti 0,003 boılyq eńiste ornalasýǵa tıis (qıyn jaǵdaılar úshin 0,005 deıin eńistikke ruqsat etiledi). Negizdelgen jaǵdaılarda stansııany sý aǵyzý qamtamasyz etilgen jaǵdaıda kóldeneń alańda ornalastyrýǵa ruqsat etiledi. Jyljymaly quramnyń aınalýy men turaqtaýyna arnalǵan joldar jolaýshylar platformasy jaǵyna qaraı kóteriletin 0,003 eńiste ornalasýǵa tıis. Parktik joldardyń kóldeneń alańda nemese 0,0015-ten aspaıtyn eńiste ornalasýyna ruqsat etiledi. 39. Joldyń jospary, pishini jáne tonneldik qaptamalary merzimdi aspaptyq tekserýden ótkiziledi. Jospardyń nemese pishinniń ózgerýin týǵyzatyn, qaıta jańartý nemese basqa da jumystar júrgiziletin ýchaskeler jumys aıaqtalǵan soń tekseriledi. 40. Joldar men tonnelderdiń jaı-kúıi: 1) jol ólshegish vagonmen nemese jol ólshegish arbashamen aıyna keminde bir ret tekseriledi; 2) jabdyqtardyń jaqyndaý gabarıtin tekserýge arnalǵan gabarıtti vagonmen nemese gabarıtti ramamen - jylyna keminde bir ret. Tonnelder qaptamalarynyń jaǵdaıy tonnelderdi paıdalaný kezinde tutastaı tegisteýmen mynadaı merzimde tekseriledi: 5 jylǵa deıin — jylyna keminde bir ret, 5 jyldan 10 jylǵa deıin — úsh jylda keminde bir ret, 10 jyldan asa — bes jylda keminde bir ret. Jol dıstansııalary barlyq ózgerister ýaqtyly engizilip otyratyn, stansııalardyń shema túrindegi josparlary, basty jáne stansııalyq joldardyń boılyq pishini men jospary bolýyn qamtamasyz etedi. № 3 paragraf. Metropolıten joldarynyń joǵarǵy qurylysyn, jer tósemin jáne jasandy qurylystaryn paıdalaný tártibi 41. Tonnelderde barlyq uzyna boıynda joldyń joǵarǵy qurylysynyń elementterinen, tonnel konstrýksııalarynan, qurylǵylar men jabdyqtardan senimdi sý aǵýy qamtamasyz etiledi. Jer ústi ýchaskelerdegi, sondaı-aq parktik joldardaǵy jer tósemi jer tóseminiń berik jaǵdaıda kútip - ustaýdy qamtamasyz etetin sý buratyn, buzylýǵa qarsy jáne bekitkish qurylǵylarmen jabdyqtalady. 42. Joldyń tikeleı ýchaskelerindegi relster qalpaqshasynyń ishki qyrlary arasyndaǵy joltaban eniniń nomınaldy kólemi 1520 mm. Joldyń barlyq qısyq ýchaskelerindegi joltaban eni mynadaı radıýs kezinde paıdalanýǵa ruqsat etiledi: 1) 1200 m jáne joǵary – 1520 mm; 2) 1199 bastap 600 deıin – 1524 mm; 3) 599 bastap 400 deıin – 1530 mm; 4) 399 bastap 125 deıin – 1535 mm; 5) 124 bastap 100 deıin – 1540 mm; 6) 99 m jáne tómen – 1544 mm. Tarylymy boıynsha – 4 mm aspaýǵa, keńeıýi boıynsha + 8 mm, al parktik joldarda tarylymy boıynsha - 4 mm, keńeıýi boıynsha +10 mm artýǵa jol berilmeıdi. Joltaban eniniń 1512 mm-den kem jáne 1548 mm-den astam bolýyna ruqsat etilmeıdi. 43. Túzý ýchaskelerdegi joldyń eki jelisindegi relster qalpaqshalarynyń tóbesi bir deńgeıde ornatylady (ustalynady). Joldyń túzý ýchaskelerinde olardyń árbiriniń uzyna boıynda relstiń bir jelisiniń qurylymyn ekinshisinen 6 mm-ge bıiktete ustaýǵa ruqsat etiledi. Syrtqy rels jelisiniń joǵarylaýy 120 mm-den asýyna jol berimeıdi. Qajet bolǵan jaǵdaılarda, Metropolıten basqarmasynyń ruqsatymen basty joldyń qısyq ýchaskelerinde syrtqy rels jelisiniń eń kóp joǵarylaýy 120 mm-den astamǵa ruqsat etilýi múmkin. Rels jelisiniń ornalasý deńgeıinde joldyń qısyq ýchaskelerinde belgilengen normalardan 4 mm-den aspaıtyn aýytqýlarǵa ruqsat etiledi. 44. Tonnelde, jer ústi ýchaskelerde, elektrdeponyń parktik joldarynda relster, metal konstrýksııalarmen, jabdyqtarmen, qubyr ótkizgishtermen jáne kabel qabyǵymen, jol betondarymen, ballastarmen baılanysýyna jol berilmeıdi (elektrdeponyń parktik joldarynda qurylǵylardy birjelilik relstik tizbektiń tartymdyq jelisimen jerge tuıyqtaýǵa ruqsat beriledi). Olardyń arasyndaǵy ruqsat etilgen sańylaý - keminde 30 mm. 45. Joldardyń, jol qabyrǵalarynyń konstrýksııalarynda, platforma astyndaǵy keńistikterde, jeldetý múldikterine jáne basqa da qurylystarda shý basý jáne dirilden qorǵaý elementterimen jabdyqtalady. Depo joldarynda tóselgen relster qurylys konstrýksııalarynan jáne jerge tuıyqtalǵan qurylǵylardan elektrli oqshaýlanady. № 4 paragraf. Metropolıten relsterin, baǵyttamaly burmalaryn, jol jáne sıgnal belgilerin, qıylystary men janasýlaryn paıdalaný tártibi 46. Baǵyttamaly burmalardyń mynadaı markaly aıqastyrǵyshtary bolady: parktik jáne ózgelerden basqa, barlyq joldarda qulamasy - 1/9; parktik jáne ózgelerde qulamasy - 1/5. Aıqaspaly qulamalardyń tuıyq qıylysy 2/9 tik emes markasynyń aıqastyrmalary bar. 47. Tómende keltirilgen aqaýlyqtardyń eń bolmaǵanda bireýi bar baǵyttamaly burmalardy jáne tuıyq qıylystardy paıdalanýǵa tyıym salynady, mynadaı: 1) baǵyt ushtary ajyraǵan; 2) ushtarda birinshi jalǵastyrýshy tartymǵa qarsy ólshenetin ramalyq relsten 4 mm-ge jáne odan astam artta qalǵan; 3) taraqtardyń jyljý qaýpin tóndiretin jáne mynadaı: basty jáne stansııalyq joldarda (parktik jáne ózgelerinen basqa) – 200 mm jáne odan artyq; parktik jáne basqa stansııalyq joldarda – 400 mm jáne odan artyq ushtary boıalǵan barlyq jaǵdaılarda tereńdigi 3 mm astam ushynan birinshi jalǵastyrýshy tartymǵa deıin ushtary boıalǵan; 4) ústińgi beti 50 mm jáne odan artyq bolyp keletin ush basynyń eni qıylý kezinde ólshenetin, ush ramalyq relske qarsy 2 mm-de jáne odan astam tómendegen; 5) aıqastyrǵysh ortasynyń jumys shegi men kontrrels basynyń jumys shegi arasyndaǵy qashyqtyq keminde 1472 mm; 6) kontrrels basynyń jáne murǵy basynyń jumys shetteriniń arasyndaǵy qashyqtyq 1435 mm astam; 7) ush nemese ramalyq rels synǵan; 8) aıqastyrǵysh (ortalyǵy, murty nemese baqylaý relsti) synǵan; 9) bir burandaly nemese eki birdeı qos burandaly astardaǵy kontrrels burandasy bólingen aqaýlary bar baǵyt kórsetkishter men tuıyq qıylystardy paıdalanýǵa jol berilmeıdi. 48. Jer ústi jáne parktik joldardaǵy baǵyttamalyq burmalar klımattyq jáne basqa da jaǵdaılarǵa baılanysty mehanıkalandyrylǵan tazartý jáne qar eritý qurylǵylarymen jabdyqtalady. Tonnelderdegi, sondaı-aq jer ústi jáne parktik joldardaǵy baǵyttamalyq burmalar (táýliktiń qarańǵy ýaqytynda) qosymsha ornatylǵan shamdarmen jaryqtandyrylady. Basty joldar men elektrlik jyljymaly quramnyń aınalýyna jáne turýyna arnalǵan joldarda poezdardyń keri baǵytta qozǵalýy kezinde ushtardyń aldyna qyrly bóreneler tóseledi. 49. Qıylysatyn qulamada baǵyttamalyq burmalardyń, tuıyq qıylystardyń tóselýi men alynýy jáne olardy paıdalanýǵa berilýi metropolıtenniń birinshi basshysynyń buıryǵy boıynsha júrgiziledi. 50. Qos joldy jeliler aralyqtaryndaǵy durys baǵytta júretin poezdar úshin baǵyttamalyq burmalar tóseledi, kóbine basty jol boıynsha túzý baǵyty bolady. Erekshe jaǵdaılarda, janasýshy joldardyń qıyn kirer jerinde, metropolıtenniń birinshi basshysynyń ruqsatymen qarsy baǵytty baǵyttamalyq burmalardy tóseýge ruqsat beriledi. Elektrjyljymaly quramnyń aınalýy úshin jol jelisiniń sońǵy stansııada jolaýshylar platformasynyń artynda ornalastyrylady. 51. Baǵyttamalar elektrlik ortalyqtandyrylýǵa qosylady. Elektrlendirilmegen parktik jáne basqa da stansııalyq joldarda baǵyttamalyq nusqaǵyshtarmen jabdyqtalǵan ortalyqtandyrylmaǵan baǵyttamalardy ornatýǵa ruqsat etiledi. Barlyq joldardaǵy baǵyttamalar olardy aspaly qulyptarmen qulyptaýǵa múmkindik beretin tetiktermen jabdyqtalady. 52. Baǵyttamalardyń orny qozǵalys baǵytymen anyqtalady jáne týra jolmen júrý úshin – plıýs (qalypty) jáne baǵyttamalyq burý boıynsha aýytqýy bar qozǵalys úshin - mınýs (aýystyrmaly) belgilerimen kórsetiledi. Basty joldarda ornalasqan baǵyttamalar basty joldarǵa qozǵalýǵa arnalǵan jaǵdaıǵa, al saqtandyrǵysh tuıyq joldarǵa aparatyn baǵyttamalar – osy joldarǵa baǵytalǵan qalypta bolady. Belgilengen marshrýttar bolmaǵan kezdegi qalǵan ortalyqtandyrylǵan baǵyttamalar plıýs nemese mınýs qalpynda bolýy múmkin. Marshrýttaǵy ortalyqtandyrylǵan baǵyttamalardyń jáne kúzet baǵyttamalarynyń qalpy baǵyttamalardyń, sıgnaldardyń jáne marshrýttardyń ózara baılanysty kestesinde kórsetiledi. Baǵyttamalardyń plıýstik qalpy ortalyqtandyrylǵan baǵyttamanyń elektrjetek korpýsynda baǵyttamany plıýstyq qalypqa aýystyrý kezindegi ushtar qozǵalysynyń baǵytyn kórsetetin baǵyttamamen belgilenedi. Baǵyttamalardy: poezdardy qabyldaý jáne jóneltý úshin marshrýttardy ázirlegen kezde; manevrlik jumystar kezinde; stansııa joldardaǵy kedergilerdi jáne jumystar júrgiziletin oryndardy qorshaý qajettigi kezinde; baǵyttaǵyshtardy tazartý, tekserý jáne jóndeý kezinde aýystyrýǵa bolady. 53. Baǵyttamalardy jáne sıgnaldardy basqaratyn árbir post ózi baǵyttamalardyń aýystyrylýyna, sıgnaldardy basqarýǵa jáne qozǵalys qaýipsizdigine jaýapty bolyp tabylatyn tek bir ǵana qyzmetkerdiń qaraýynda bolady: 1) ortalyqtandyrý posty – post kezekshisiniń qaraýynda; 2) dıspetcherlik ortalyqtandyrý posty – poezd dıspetcheriniń qaraýynda; 3) stansııalyq ortalyqtandyrý posty – stansııa boıynsha kezekshiniń qaraýynda; 54. Ortalyqtandyrylǵan baǵyttamany aýystyrýdyń aldynda oǵan qyzmet kórsetýshi jumysshy avtomattandyrylǵan jumys ornyn (budan ári - AJO) monıtor boıynsha nemese jekeleı ózi tekseredi, al qajet bolǵan jaǵdaıda jumysshylardyń bireýi: stansııa bastyǵy, baǵyttamalyq post kezekshisi, ortalyqtandyrý postynyń operatory, stansııa boıynsha kezekshi (ortalyqtandyrý postynyń kezekshisi), poezdardy qabyldaý jáne jóneltý boıynsha kezekshi, PQAT elektrmehanıgi, jol masteri arqyly baǵyttamalyq burmada jyljymaly quramnyń joq ekendigine kóz jetkizedi. 55. Ortalyqtandyrylǵan baǵyttamalardy qolmen basqarýǵa kóshý kezinde jáne olardyń aýysýyn jáne qulyptalýyn stansııa kezekshisiniń (ortalyqtandyrý posty kezekshisiniń) ókimi boıynsha osy jaǵdaıda baǵyttamalardy aýystyrý durystyǵyna jaýapty bolyp tabylatyn tek bir ǵana qyzmetker: stansııa bastyǵy, baǵyttamalyq post kezekshisi, ortalyqtandyrý postynyń operatory, stansııa kezekshisi (ortalyqtandyrý postynyń kezekshisi), poezdardy qabyldaý jáne jóneltý boıynsha kezekshi nemese metropolıtenniń birinshi basshysynyń buıryǵymen taǵaıyndalǵan basqa qyzmetkerler júrgizedi. Kórsetilgen ókim jeke túrde nemese tonneldik baılanys jáne radıobaılanys telefony arqyly, al atalǵan baılanys túrleri aqaýlanǵan nemese bolmaǵan jaǵdaıda baǵyttamalyq baılanys telefony arqyly beriledi. 56. Ortalyqtandyrylǵan baǵyttamalardyń elektr jetekteriniń kýrbelderi qozǵalys qyzmetiniń kezekshi jumyskeriniń bólmesinde plombalanǵan jáshikte saqtalýy tıis. 57. Aspaly qulyppen bekitiletin baǵyttamalardyń tizbesi stansııanyń tehnıkalyq-ókimdik aktisimen belgilenedi. 58. Baǵyttamalardy aýystyrý týraly ókimdi qabyldaǵan jumysker ony aýyzsha qaıtalaıdy. О́kimdi oryndaǵannan keıin osy jumysker bul týraly buıryqty bergen adamǵa dereý baıandaıdy. 59. Basqa qyzmetter men uıymdardyń qaraýyna berilgenderdi qospaǵanda, baǵyttamalyq burmalar stansııa bastyǵynyń ıeliginde bolady. Jol dıstansııasynyń bastyǵy baǵyttamalyq nusqaǵyshtar men baǵyttamalyq burmalardy taza jáne jaramdy jaı-kúıde ustaýdy qamtamasyz etedi, al stansııa bastyǵy baqylaýdy júzege asyrady. 60. Baǵyttamalyq burmalardyń, qıylysatyn qulamalar tuıyq qıylystarynyń jáne baǵyttamalyq nusqaǵyshtardyń jóndelýi men aǵymdaǵy jaramdy kútip-ustalýyn jol dıstansııasy, al baǵyttamalyq burmalardaǵy (budan ári - SOB) sıgnal berý, ortalyqtandyrý jáne buǵattaý qurylǵylarynyń jóndelýi men kútip-ustalýyn – sıgnal berý dıstansııasy júrgizedi. 61. Metropolıten joldarynyń elektr berý jáne baılanys jelilerimen, munaı qubyrlary, gaz qubyrlary, sý qubyrlary, sondaı-aq basqa da jer ústi jáne jer asty kommýnıkasııalarymen jáne qurylystarmen qıylysýyna metropolıtenniń birinshi basshysynyń ruqsatymen jol beriledi. Osyndaı qıylystarda qajet bolǵan jaǵdaılarda poezd qozǵalysynyń, qaýipsizdigi men úzdiksizdigin, manevr jumystaryn oryndalýyn qamtamasyz etetin arnaıy saqtandyrý qurylǵylary qarastyrylady. Osyndaı qurylǵylar jobasy Metropolıten basqarmasymen kelisiledi. 62. Metropolıtenniń paıdalananylatyn ýchaskeseleri jańadan salynyp jatqan ýchaskelerdiń janasatyn tonnelderinen tutas betondy daldaldarmen nemese olardy paıdalanatyn tonnel jaǵynan basqaratyn metall konstrýksııalarmen bólinedi. 63. Túıispeli rels kez kelgen atmosferalyq jaǵdaıda qozǵalystyń belgilengen jyldamdyǵy kezinde úzdiksiz tokty qamtamasyz etedi. 64. Túıispeli relstiń jumys qabatyn 160 mm júris relsteriniń basynan joǵary artý nemese azaıý jaǵyna 6 mm-den asyrmaı aýytqýǵa jol beriledi. Túıispeli relstiń osinen bastap aýytqýshylyǵy bar jaqyn ornalasqan 690 mm júris relsi basynyń ishki shegine deıin qashyqtyq artý, ulǵaıý nemese azaıý jaǵyna qaraı 8 mm-den aspaıdy. 65. Túıispeli rels júris relsteri men tonnel konstrýksııalarynyń elektrli oqshaýlanady jáne tez tutanbaıtyn materıaldan jasalǵan qorǵanysh qabymen qorǵalady. 66. Túıispeli rels bólek oqshaýlanǵan seksııalarǵa (qorektendirý aımaqtaryna) ótpe bólikterdiń metaldyq bólimi ushtary arasynyń uzyndyǵy keminde 14 m jabylmaıtyn áýe aralyqtaryna bólinedi. Bir vagonnyń tokqabyldaǵyshymen jabylmaıtyn osyndaı áýe aralyqtary poezdardyń tartqysh qozǵaltqyshtary ajyratylǵan jerlerde, al stansııalarǵa taıaý basty joldarda – jolaýshylar platformasynyń basynan 50m –den aspaıtyn qashyqtyqta ornalasady. Baǵyttamaly burmalar, aıqaspaly aýyspalar men metall konstrýksııalar ornalasqan jerler túıisken relsterdiń uzyndyǵy 10 m-den aspaıtyn (ádette 7,7 m) jabylatyn áýe aralyqtarymen jabdyqtalady. Basty joldardyń túıispeli relsterinde áýe aralyqtary jerlerinde túıispeli relstiń qabyldaýshy jáne berýshi shetterinde eńisi 1/50 sońǵy ótpe bólikterdi, al elektrdeponyń parktik joldary tuıyqtarynyń túıispeli relsterinde eki shetinde 1/25 eńisi bar sońǵy ótpe bólikterdi qarastyrý qajet. 67. Salynyp jatqan jelilerdegi parktik joldardyń túıispeli relsterin bólshekteý tórt-bes joldyń túıispeli relsinen kerneýdi alyp tastaý múmkindigimen qamtamasyz etedi. 68. Aralyqtardaǵy basty joldarda (tonnelderde) sıgnaldyq jáne jol belgileri durys baǵytta kele jatqan poezd qozǵalysynyń baǵyty boıynsha oń jaqta ornatylady. 69. Tonnelderdegi baǵyttamaly burmalarda jáne basqa da joldardy jalǵastyratyn jerlerge shekti taqtaıshalar, al jer ústi joldaryna – shekti baǵanshalar ornatylady. 70. Shekti baǵanshalar jol arasynyń ortasyna, al shekti taqtaıshalar- jol arasyna ornatylady, bul jerdegi qosylatyn joldar osteriniń arasyndaǵy qashyqtyq tómendegideı bolǵan jaǵdaıda: 1) Qazaqstan Respýblıkasy temir jolynyń jyljymaly quram aınalymyna arnalmaǵan tonnelderde, jer ústi ýchaskelerinde jáne parktik joldarynda –– 3400 mm; 2) Qazaqstan Respýblıkasy temir jolynyń jyljymaly quram aınalymyna arnalǵan parktik joldarynda - 4100 mm. 71. Qorshalǵan jaǵdaıdaǵy joldyń kedergi qurylǵylary (laqtyrǵysh tabandar nemese baǵyttamalar) olar ornatylǵan joldan jyljymaly quramnyń shyǵyp ketýine jol bermeıdi. Osy qurylǵylar, sondaı-aq, burylysty bóreneler men tuıyq tirekter joldy qorshaý nusqaǵyshtarymen jabdyqtalady. 72. Joldar men qurylystarǵa qyzmet kórsetetin jumyskerler úshin, sondaı-aq mehanızmder, jabdyqtar, múkámmaldy jáne qural-saımandardy saqtaý úshin stansııalyq jáne aralyq tonnelderiniń arnaıy óniminde - bólme, al jer ústi jáne park joldarynda- jol ǵımarattary qarastyrylady. Osy bólmeler men ǵımarattar qyzmet etý ýchaskeleri boıynsha birkelki ornalasýy kerek. 73. Mıkroprosessorlyq ortalyqtandyrý qurylǵylary tómendegilerdi boldyrmaıdy: 1) eger baǵyttamalar, onyń ishinde kúzettik, tıisti qalypqa keltirilmegen, al qarsy baǵyttyń marshrýttardyń jabylmaǵan bolsa, osy marshrýtty qorshaıtyn baǵdarshamnyń ashyq bolýyn; 2) marshrýtqa kiretin baǵyttamanyń aýysýyn nemese baǵdarsham ashyq kezinde bekitilgen marshrýtty qorshaıtyn qarsy marshrýttyń baǵdarshamdarynyń ashylýyn; 3) bos emes jolǵa bekitilgen marshrýt kezinde baǵdarshamdy ashýdy; 4) jyljymaly quram astyndaǵy baǵyttamany aýystyrýdy. 74. Mıkroprosessorlyq ortalyqtandyrý qurylǵylary tómendegilerdi qamtamasyz etedi: 1) baǵyttamalar men sıgnaldardyń ózara tuıyqtalýyn; 2) osy marshrýtty qorshaıtyn baǵdarshamdy bir mezgilde jaba otyryp, baǵyttamanyń kesýin baqylaý; 3) basqarý apparatynda joldar men baǵyttamalardyń bos emestigin baqylaý. 75. Mıkroprosessorlyq ortalyqtandyrylǵan baǵyttamalary men sıgnaldary bar jáne eki jaqty qozǵalys úshin jabdyqtalǵan beketke jalǵasyp jatqan aralyq (jalǵastyrýshy tarmaqsha) joldarda bir baǵyt boıynsha baǵdarsham ashylǵannan keıin qarsy baǵyttaǵy baǵdarshamnyń ashylý múmkindigi joq bolýyn qamtamasyz etedi. 76. Ortalyqtandyrylǵan baǵyttamalardyń elektrjetekteri men tuıyqtaǵyshtary: 1) baǵyttamalardyń sońyna qaraı qysylǵan ramalyq relske basylǵan úshkirdiń tyǵyz janasýyn qamtamasyz etedi; 2) basylǵan úshkir men ramalyq relstiń arasyndaǵy sańylaý 4 mm jáne odan asqan bolǵan kezde baǵyttamanyń tuıyqtalýyna ruqsat etpeıdi; 3) ramalyq relsten basqa úshkirdi keminde 125 mm qashyqtyqqa alyp tastaıdy. Ortalyqtandyrylǵan baǵyttamalar oıyp ornatylatyn úlgidegi elektr jetekterimen jabdyqtalýǵa tıis. 77. Jartylaı avtomatty árekettegi baǵdarshamdar shaqyrý sıgnaldarymen jabdyqtalady. Shaqyrý sıgnaldary myna jaǵdaılarda ashylmaıdy: 1) teris baǵyttaǵy basty jolǵa qozǵalý úshin; 2) eger marshrýtqa kiretin baǵyttamalar qalpynyń baqylaýy joq bolsa. Parktik joldarda shaqyrý sıgnaly joq manevrlik baǵdarshamdardy qoldanýǵa ruqsat etiledi. Basty joldarda ornalasqan jartylaı avtomatty árekettegi baǵdarshamdardy avtomatty áreketke aýystyrý kezinde avtomatty jumysqa olardyń shaqyrý sıgnaldary da bir mezgilde aýystyrylady. № 5 paragraf. Metropolıtenniń avtomatıka, telemehanıka jáne telekomýnıkasııalar tehnıkalyq quraldaryn (qurylǵylaryn) tehnıkalyq paıdalaný tártibi 78. Qorǵanys ýchaskeleri bar avtomatty buǵaqtaý qurylǵylary baǵdarshamnyń tyıym salýshy kórsetkishiniń (kirý, shyǵý jáne ótpeli) poezd osy baǵdarsham artyndaǵy blok-ýchaskeni jáne qyzyl shammen jabylatyn kelesi baǵdarshamnan keıingi qorǵanys ýchaskesin bosatqanǵa deıi