Foto: egemen.kz/Erlan Omar
Aıda Balaeva búginde bilim berý salasynda pılottyq rejımde jekemenshik mektepterdi sıfrlyq esepke alýdy, negizgi prosesterdi avtomattandyrýdy jáne qarjy bólý júıesimen sınhrondaýdy kózdeıtin jańa tetik engizilgenin atap ótti. Nátıjesinde 785 jekemenshik mektep tolyq sıfrlandyryldy.
«Bıýdjet qarajatyn tıimdi ári maqsatty paıdalaný úshin jańa jekemenshik mektepterge memlekettik tapsyrysty ornalastyrýǵa moratorıı engiziledi. Memlekettik qarjylandyrý endi tek óńirdegi naqty qajettilik bar jekemenshik mektepterge ǵana baǵyttalady. Bul rette memlekettik mektepterdiń bolmaýy, úsh aýysymdy oqytýdy joıý jáne apatty mektepterdiń ornyna jańa bilim berý nysandarynyń salynýy negizgi basymdyq retinde aıqyndalyp otyr», dedi Aıda Balaeva.
Vıse-premer bilim salasyna jekemenshik ınvestısııany tartý úshin memlekettik tapsyryssyz, tek ınvestısııalyq shyǵyndy óteý mehanızmi saqtalǵanyn aıtty. Sonymen qatar Oqý-aǵartý mınıstrligi múddeli memlekettik organdarmen birlesip, jekemenshik mektepterge lısenzııadan keıingi baqylaý júrgizedi. Baqylaý aıasynda bilim berý sapasynyń saqtalýyna, pedagog kadrlarmen qamtamasyz etilýine jáne balalardyń qaýipsizdigine erekshe nazar aýdarylady.
Úkimet jeke medısınalyq uıymdardy qarjylandyrýda kóptegen zańbuzýshylyqtardy anyqtady
Al Densaýlyq saqtaý mınıstrligi Prezıdent tapsyrmasyna saı halyqtyń naqty qajettilikterine, demografııalyq jáne kóshi-qon derekterine súıene otyryp, medısınalyq kómekti josparlaýǵa kóshedi. Qarjylandyrý kólemi eń tıimdi memlekettik jáne senimdi jeke emhanalarǵa baǵyttalady. Jalǵan eseptiń aldyn alý úshin biryńǵaı sıfrlyq baqylaý engizilmek. Tólemder salystyrylyp, barlyq qarjylandyrý kóziniń málimetteri biriktiriledi. Em alýshylarmen keri baılanys mobıldi qosymsha arqyly júzege asady. Sonymen birge sapany baqylaý kúsheıip, lısenzııalaý talaptary qatańdatylady.
Atalǵan sharalar qarjylandyrý júıesin ádil, ashyq jáne tıimdi etýge, sondaı-aq halyqtyń densaýlyq sapasyn jaqsartýǵa baǵyttalǵan. Mindetti áleýmettik medısınalyq saqtandyrý júıesi Qarjy mınıstrligine berildi. Qazir Memleket basshysy tapsyrmasyna saı, quqyq qorǵaý organdarymen birlesip «Zań jáne tártip» qaǵıdatyna sáıkes tekserý júrip jatyr.
Kúnine 150 jalǵan pasıent: Elordalyq klınıka basshysy qor qarjysyn qalaı jymqyrǵan?
Sonymen qatar jeke medısına jáne bilim berý uıymdaryn qarjylandyrý mehanızmderin qaıta qaraý boıynsha is-sharalar jospary bekitildi.
