Foto: Ashyq derekkóz
Onyń aıtýynsha, bul usynys shopandardyń balalaryn áskerge múlde shaqyrmaý kerek degendi bildirmeıdi.
«Bul tek áskerge shaqyrý merzimin keıinge qaldyrý týraly másele. Keıbir otbasylar mal sharýashylyǵymen áýletimen aınalysady. Qarbalas kezeńde sharýashylyqqa balalarynyń kómegi qajet. Sondyqtan salanyń damýyn eskere otyryp, shaqyrý merzimin shegerý usynylyp otyr. Bul másele Qorǵanys mınıstrligimen birlesip jan-jaqty qaralady», dedi vıse-mınıstr.
Qazaqstanda áskerı esepke alý erejelerine ózgerister engizildi
Sonymen qatar, keshendi jospar jobasynda salany kadrlarmen qamtamasyz etý, mal sharýashylyǵy qyzmetkerleri úshin áleýmettik qoldaý sharalaryn kúsheıtý, onyń ishinde shopandar men qoıshylarǵa 55 jastan keıin arnaıy áleýmettik tólemder berý, mamandarǵa turǵyn úı salý jáne basqa da bastamalar qarastyrylǵan.
Aıta keteıik, Úkimet jýyrda Mal sharýashylyǵyn damytýdyń 2026–2030 jyldarǵa arnalǵan keshendi josparynyń jobasyn maquldaǵan bolatyn.
Et eksporty eki ese ósedi: Úkimet mal sharýashylyǵyna arnalǵan iri jospardy bekitti
Qujatta iri qara mal basyn 7,9 mln-nan 12 mln-ǵa deıin, al usaq mal sanyn 20,2 mln-nan 28 mln-ǵa deıin arttyrý kózdelgen.
