Foto: primeminister.kz
Kezdesý barysynda Serik Jumanǵarın Mońǵolııa Premer-mınıstrin joǵary memlekettik laýazymǵa taǵaıyndalýymen quttyqtap, tabysty eńbek tiledi. Ol Mońǵolııa Qazaqstannyń Azııa aımaǵyndaǵy mańyzdy seriktesi ekenin, al ekijaqty yntymaqtastyq tarıhı tereń tamyrly ózara qurmet pen senim rýhynda dáıekti túrde damyp kele jatqanyn atap ótti.
Qazaq-mońǵol áriptestiginiń negizi retinde saýda-ekonomıkalyq ózara is-qımylǵa basty nazar aýdarylady. Memleket basshylary ortamerzimdi perspektıvada ekijaqty taýar aınalymyn 500 mln dollarǵa arttyrý maqsatyn qoıyp otyr. Taraptar oǵan eki el arasyndaǵy jetkizý nomenklatýrasyn keńeıtý, kooperasııalyq jobalardy damytý, saýda, ákimshilik kedergilerdi kezeń-kezeńimen joıý esebinen qol jetkiziletinine senim bildirdi.
Qazaqstan men Qyrǵyzstan arasyndaǵy taýar aınalymy 1,4 mlrd dollardy qurady
2025 jylǵy qańtar-qarashadaǵy qorytyndy boıynsha Qazaqstan men Mońǵolııa arasyndaǵy taýar aınalymy $121,5 mln-ǵa (+5,5%), onyń ishinde eksport $113 mln-ǵa, ımport $8,6 mln-ǵa jetti. Qazaqstan eksportynyń qurylymynda temeki ónimi, raps tuqymy, nan, un jáne kondıterlik ónim, tamaq ónimi, maıly daqyl, sondaı-aq qozǵaltqyshtar men mashına jasaý ónimi basym. Mońǵolııadan et pen et ónimi, kashemır, aıaq kıim, kilem, júnnen jasalǵan buıymdar ımporttalady.
Taýar aınalymyn odan ári arttyrý maqsatynda Qazaqstan tarapy tikeleı iskerlik baılanys ornatý, sondaı-aq elimizdegi ındýstrııalyq jáne erkin ekonomıkalyq aımaqtar men eksporttyq áleýetti tanystyrý úshin Mońǵolııaǵa saýda mıssııasyn jiberýdi josparlap otyr.
Jıynda aýyl sharýashylyǵy salasyndaǵy joǵary yntymaqtastyqtyń áleýeti de atap ótildi. Taraptar Qazaqstannyń agrarlyq ónim eksportyn arttyrý, sondaı-aq Mońǵolııa aýmaǵynda olardyń óndirisin ornatý múmkindigin, veterınarııalyq vaksınalardy jetkizý perspektıvasyn talqylady.
Ulttyq taýarlar katalogi: 2026 jyldan bastap taýar aınalymy jańa sıfrlyq tártipke kóshedi
О́z kezeginde Hassýýrıın Ganhýıag aımaqtaǵy áriptes turǵysynda Qazaqstannyń Mońǵolııa úshin strategııalyq mańyzyn atap kórsetip, bıyl ekijaqty yntymaqtastyqty jandandyrýǵa senim bildirdi. Ol Qazaqstannyń Mońǵolııa men Ortalyq Azııa elderi arasyndaǵy dáneker retindegi róline toqtalyp, tarıftik emes kedergilerdi anyqtaý jáne joıý boıynsha birlesken jumys tobyn qurýǵa múddeli ekenin málimdedi. Mońǵolııa tarapy standarttaý, veterınarııalyq qorǵaý jáne mal sharýashylyǵy salasyndaǵy ózara is-qımyldy tereńdetýge qyzyǵýshylyq bildirdi.
Kezdesý sońynda taraptar syndarly jáne ózara tıimdi yntymaqtastyqty odan ári damytýǵa nıettestik bildirdi.
