Stalkıng qurbany bolǵan qyzdyń ólimine qatysty iske Memleket basshysy nazar aýdaryp, IIM men Bas prokýratýraǵa tikeleı baqylaý jasaýdy tapsyrǵan edi. Prezıdent tapsyrmasymen atalǵan iske nemquraıdy qaraǵan birqatar polısııa qyzmetkerine qatysty qylmystyq is qozǵalyp, qyzmetinen bosatyldy. Aǵa leıtenant Ábilǵazy Artyqbaı sol jumystan qýylǵan polıseılerdiń biri. Ol óziniń jáne basshylyq quramnyń jumystan shyǵarylýy negizsiz qabyldanǵan sheshim dep otyr. Á.Artyqbaı bul týraly zańger Aıgúl Orynbekke bergen suhbatynda aıtqan.
Onyń aıtýynsha, ol oqıǵa bolǵan kúni shaqyrtý boıynsha Sherhan (Nuraıǵa pyshaq jaraqatyn salǵan kúdikti) esimdi azamattyń úıine baryp, qyz ben jigitten túsinikteme alǵan. Sol sátte ol boıjetkenniń atalǵan úıge óz erkimen kelgenin rastaıtyn beınejazba túsirip alǵan. Keıin sol vıdeony Shymkent qalalyq polısııa departamentiniń baspasóz qyzmetine usynǵan. Alaıda olar bul materıaldy qoǵam nazaryna usynýdan bas tartqan. Onyń pikirinshe, istiń birjaqty kórsetilýi qoǵamdyq qysymdy kúsheıtip, nátıjesinde ol jáne onyń basshylary qyzmetinen bosatylǵan.
«20 qańtardaǵy Ishki ister mınıstriniń buıryǵyna sáıkes, meni jáne basshylarymdy sebepsiz jumystan shyǵardy. Toǵyz jyl boıǵy eńbegim esh eskerýsiz qaldy», dedi Á.Artyqbaı.
Atalǵan oqıǵa munymen shektelmeı, aýyr otbasylyq tragedııaǵa da ulasqan. Á.Artyqbaıdyń aıtýynsha, anasy ulynyń jumystan shyǵarylǵanyn estigen kezde júregi shydamaı, kóz jumǵan.
«Ár qadamyn ańdyǵan». Shymkenttegi jas qyzdyń ólimine qatysty tyń derekter málim boldy
Burynǵy polısııa qyzmetkeri Memleket basshysy Qasym-Jomart Toqaevqa resmı úndeý jasap, istiń ádil, ashyq jáne jan-jaqty qaralýyna yqpal etýdi surap otyr.
Shymkentte kópqabatty úıdiń aldynan jas qyzdyń máıiti tabyldy
