Foto: Telegram-kanal «Seryı Kardınal»
Lýısh Nanı «Aqtóbemen» kelisimshartqa qol qoıý úshin Qazaqstanǵa ushyp kelgen. Áýejaıda ony klýbtyń qazirgi basshysy Arman Ospanov qarsy aldy. Kóp uzamaı fýtbolshy jankúıerler men buqaralyq aqparat quraldaryna tanystyryldy.
Málimetterge súıensek, 39 jastaǵy eks-vıngermen bir jyldyq kelisimshart jasalǵan jáne onyń aılyǵy aıyna 70 myń dollar kóleminde bekitilgen.
Aıta keteıik, Nanı alańdaǵy oıynshy ǵana emes, sonymen qatar klýbtyń halyqaralyq deńgeıde ilgerileýine jaýapty oıynshy-menedjer qyzmetin de qosa atqarady.
Lýısh Nanı «Manchester Iýnaıted» sapynda Anglııa Premer-lıgasynyń 4 dúrkin chempıony atanyp, Lıga kýbogyn 2 ret jeńip aldy. Sondaı-aq Chempıondar lıgasyn, Anglııa Sýperkýbogyn 4 márte jáne klýbtar arasyndaǵy álem chempıonatyn jeńip alǵan.
Ár jyldary ol «Sportıng», «Fenerbahche», «Valensııa», «Lasıo», «Orlando Sıtı», «Venesııa», «Melbýrn Vıktorı», «Adana Demırspor», «Eshtrela» klýbtarynda da óner kórsetken.
Bıznesmen «Aqtóbe» fýtbol klýbyn satyp aldy
