Foto: Almaty qalasy ákimdigi
Jeltoqsan jáne qańtar aılarynda qutqarýshylar 20-dan astam ret shaqyrtýǵa shyqqan.
«25-ten astam adam qutqaryldy. О́kinishke qaraı, bes adam qaza tapty. Kóp jaǵdaıda bul qaýipsizdik talaptarynyń saqtalmaýynan bolady. Adamdar daıynsyzdyq shyqqan, durys kıinbegen jáne qar kóshkini men úsik shalý sııaqty qaýip-qaterlerdi baǵalamaǵan. Keıde týrıster ózderi tańdaǵan baǵytqa daıyn bolmaı shyǵady, sonyń saldarynan osyndaı qaıǵyly jaǵdaılar bolady», dedi Vadım Pak.
Sonymen qatar taǵy bes adamǵa psıhologııalyq kómek kórsetilgen.
Almaty taýlarynda úsh adam joǵaldy: bir adamnyń máıiti tabyldy
Qutqarýshylardyń aıtýynsha, bıyl qar jıi jaýmaǵanymen, túsken aq ulpanyń birjolǵy mólsheri men qalyńdyǵy aıtarlyqtaı joǵary. Vadım Pak qar kóshkinine eń qaýipti aýmaqtar retinde eńis buryshy 30-45 gradýstan asatyn betkeılerdi, qarǵa toly ańǵarlar jáne qar jaýǵannan keıingi jel ótindegi ýchaskelerdi atady. Týrısterge qar jaýǵannan keıingi alty kún ishinde saqtyq sharalaryn barynsha kúsheıtý usynylady.
