Shańǵyshy qazir Ulttyq qurama múshelerimen oqý-jattyǵý jıynynda júrgendikten oblys ákimi Berik Ýálı sportshyǵa quttyqtaý joldap, aldaǵy úlken jarysta sáttilik tiledi.
«Siz halyqaralyq sport arenasynda elimizdiń atynan óner kórsetetin jetekshi sportshylardyń qataryndasyz. Abaı óńiriniń jurtshylyǵy Sizge zor senim bildirip, Olımpıada oıyndarynda el namysyn abyroımen qorǵaıtynyńyzǵa kámil senedi. Bizdiń oblystyń sportshylary buǵan deıin qysqy Azıada oıyndarynda sátti óner kórsetti. Bul rette tórt birdeı Olımpıadanyń qatysýshysy, Azııa oıyndarynyń jeti dúrkin chempıony Oksana Iаskaıa, Qazaqstannyń úsh dúrkin chempıony, Sochıdegi Olımpıadada Qazaqstan quramasynyń tý ustaýshysy bolǵan Erdos Ahmadıev, Qazaqstannyń eńbek sińirgen sportshysy Galına Vıshnevskaıa-Sheporenko, Harbındegi Azıada oıyndarynyń kúmis júldegerleri Kamıla Elgazınova men Kırıll Baýer esimderin qurmetpen atap ótemiz. XXV qysqy Olımpıada oıyndarynda jeńisti joldy jalǵastyryp, sátti óner kórsetip, joǵary nátıjelerge qol jetkizýińizge tilektespiz», delingen quttyqtaýda.
Ámirǵalı Muratbekov 2005 jyly Úrjar aýdanynda dúnıege kelgen. Shańǵy jarysynan sport sheberi. 2024 jyly shańǵy jarysynan ótken Qazaqstan chempıonattarynyń júldegeri, shańǵy rollerinen Álem kýboginiń jeńimpazy boldy. 2025 jyly shańǵy jarysynan Álem chempıonatyna qatysyp, Qazaqstan Respýblıkasynyń VI Qysqy Spartakıadasynyń júldegeri atandy. Shańǵy rollerinen ótken Azııa kýboginiń úsh kezeńinde júlde alyp, Qazaqstan chempıonatynyń jeńimpazy boldy. Byltyr 19-28 jeltoqsan aralyǵynda Shortandy qalasynda ótken Qazaqstan kýboginde Ámirǵalı Muratbekov skıatlon (20 shaqyrym) jáne mass-start (30 shaqyrym) jarystarynda jeńiske jetti. Nátıjesinde Italııadaǵy 25-shi Qysqy Olımpıada oıyndaryna joldama aldy.
El sportshylary qysqy Olımpıada oıyndarynda qandaı kıim úlgisimen óner kórsetedi?
Aıta keteıik, qysqy Olımpıadada el namysyn 36 sportshy qorǵaıdy.
23 qańtar kúni Prezıdent qysqy Olımpıadaǵa qatysatyn ulttyq qurama múshelerine Memlekettik týdy tapsyrdy.
