Aqıqatynda Almaty Museum of Arts – elimizdegi eń mańyzdy mádenı jobalardyń biri. Taıaý kúnderi onyń tarıhyn baıandaıtyn «Qıylystaǵy murajaı» derekti fılminiń tusaýy kesildi. Kórermen onda HH ǵasyrdaǵy qazaq ónerine tıesili jeke kolleksııanyń qalaı murajaı mazmunyna aınalyp, týrıst qabyldaıtyn orta retinde qalyptasqanyna kýá bolady.
Kartınany dúnıege ákelgen jýrnalıst ári prodıýser Andreı Loshak mýzeı irgetasy qalanǵannan bastap, 2025 jyly 12 qyrkúıektegi ashylýyna deıingi kezeńdi ishteı baqylap, taspaǵa túsirip otyrǵan.
«Bul murajaı jyldar boıǵy armanymnyń ǵana emes, qoǵam men el aldyndaǵy belgili bir boryshymnyń óteýi ispetti. Álemdi aralap, iri murajaılardy kórgen saıyn Almaty dál osyndaı keńistikke, baǵasy bıik óner qoljetimdi bolatyn, adamdar bas qosyp, mádenıet týraly áńgime quratyn orynǵa laıyq dep oılaıtynmyn», – deıdi Almaty Museum of Arts negizin qalaýshy Nurlan Smaǵulov.
Fılm tek arhıtektýralyq sheshimder men Nazarbaev pen Ál-Farabı dańǵyldarynyń qıylysyndaǵy ǵımarat qurylysy týraly ǵana emes, ıdeıanyń týýy, izdenisterden bastap, kópsatyly logıstıka men sheber kýratorlyq sheshimderge deıingi úderisti, ıaǵnı, óner týyndylarynyń kúrdeli ári kóbine kózge kórinbeıtin jolynan habardar etedi. Kadrlarda Iаıoı Kýsama, Bıll Vıola, Rıchard Serra, Anselm Kıfer, Jaýme Plensa, Iınka Shonıbare, Alısııa Kvade syndy esimi kúlli álemge máshhúr sheberler eńbekteriniń qazaq eline qandaı kedergilermen jetkizilgeni qyzyqty ári tartymdy baıandalady.
Almatylyqtarmen qaýyshqan alǵashqy «Qıylystaǵy murajaı» – atalǵan mýzeı týraly qos derekti fılmniń alǵashqysy. Kóktem aılarynda 60-jyldardaǵy otandyq qylqalam sheberleriniń týyndylaryn áspetteıtin ekinshi fılmniń premerasy ótpek. Ekinshi bólimi – keńes zamanynda qazaq óneriniń qaıtalanbas stılin qalyptastyrǵan talantty býyn ókilderine arnalmaq.
ALMATY
