Foto: Ashyq derekkóz
Jetisý oblystyq polısııa departamentiniń málimdeýinshe, qajetti tergeý áreketteri júrgizilip jatyr. Birqatar sot saraptamalary, sonyń ishinde sot-psıhıatrııalyq saraptama taǵaıyndalǵan. Prosessýaldyq sheshim saraptama nátıjeleri alynǵannan keıin jáne tergeý áreketteri aıaqtalǵan soń qabyldanady.
Týǵan balasyna zorlyq kórsetken áıel turmysta jáne kúıeýimen birge eki uldy tárbıelep otyr. Balalardyń bireýi – 4 jasta, ekinshisi – 2,5 jasta. Áleýmettik jelilerde taraǵan vıdeoda áıeldiń 4 jastaǵy ulyn uryp jatqan sáti kórinis tapqan. Áıel tanysynyń úıinde qonaqta bolǵan. Ulyn sýdy óshirýdi umytyp ketkeni úshin aıaýsyz sabaǵan.
Sondaı-aq balalardyń ákesine qatysty da qylmystyq is qozǵalǵany belgili boldy. Oǵan kámeletke tolmaǵan balany tárbıeleý mindetterin oryndamaý aıyby taǵylyp otyr. Zańnamaǵa sáıkes, er adamǵa iri kólemde aıyppul salý, qoǵamdyq jumystarǵa tartý, nemese 3 jylǵa deıin bas bostandyǵyn shekteý nemese aıyrý jazasy qoldanylýy múmkin.
Qazir eki bala Taldyqorǵan qalasyndaǵy balalar mekemeleriniń birinde tárbıeshiler men dárigerlerdiń baqylaýynda. Bılik organdary áıeldi ata-ana quqyǵynan aıyrý máselesin qarastyryp jatyr.
