Bılet bar, oryn joq: Qaraǵandylyq turǵyn áýekompanııasynan ótemaqy óndirip aldy

Áýe kompanııasy jolaýshyǵa qarajatty tolyq qaıtaryp berýdi nemese Almaty – Danang – Almaty baǵyty boıynsha, josparlanǵan kúnnen eki táýlik keıin ushatyn balama reısti usynǵan. Jolaýshyǵa 274 myń teńge qaıtarylǵanymen, ol bul somany jetkiliksiz dep sanap, sotqa júgingen. Talap aryzynda ol materıaldyq shyǵyndy jáne sapardyń buzylýy men kúızelis saldarynan kelgen moraldyq zııandy kórsetken.

Sot otyrysynda týroperator ókili kompanııa shart boıynsha óz mindettemelerin tolyq oryndaǵanyn jáne tasymaldaýǵa jaýapty emestigin málimdedi. Al áýe kompanııasynyń ókili talapty moıyndamaı, shyǵyn sotqa deıin-aq ótelgenin aıtty.

Vıse-mınıstr: Áýe bıletterin tolyq qaıtarý – baǵany sharyqtatady

Qazybek bı aýdandyq soty №2 qoldanystaǵy zańnamaǵa sáıkes, reıstiń toqtatylýy men jolaýshyny ýaqytynda jetkizbeý úshin jaýapkershilik áýe tasymaldaýshyǵa júkteletinin atap ótti. Al týroperator tasymaldaýdy júzege asyrýǵa jaýapty emes.

Taksı men áýe bıletteriniń baǵasy qaıta qaralady

Sot overbýkıngke jol berip, reısti toqtatqan áýe kompanııasynyń áreketterin moraldyq zııandy óteýge negiz dep tanyp, tasymaldaýshydan 50 myń teńge óndirip alýǵa sheshim shyǵardy.

Apellıasııalyq sot birinshi satydaǵy sottyń qorytyndylarymen kelisip, sheshimdi ózgerissiz qaldyrdy.

Murat Ábenov vıse-mınıstrdiń «áýe bıletterin tolyq qaıtarsaq, baǵa sharyqtaıdy» degen sózin shyndyqqa janaspaıdy dep málimdedi