Foto: Oqý-aǵartý mınıstrligi
Tujyrymdama Bala quqyqtary jónindegi ýákilmen jáne beıindi mınıstrliktermen birlesip daıyndalǵan. Qujat balalardyń quqyn qorǵaý salasynda qabyldanatyn sharalardyń dáıektiligi men tıimdiligin arttyrýǵa baǵyttalǵan.
Úkimette «Qazaqstan balalary» baǵdarlamasynyń tujyrymdamasy qaraldy
«Tujyrymdamada qaýipsizdik, bilim berý, densaýlyq saqtaý, otbasy quqyǵy jáne áleýmettik qorǵaý syndy tórt negizgi baǵyt qamtylǵan. Tıimdilikti baǵalaý úshin 10 ındıkator, al júzege asyrý úshin 158 is-shara kózdelgen. Qarjylandyrýdyń jalpy kólemi – 1,3 trln teńge», dedi Juldyz Súleımenova.
Tujyrymdama sheńberinde «Zań men tártip» ıdeologııasyn keńinen taratý, mektepterde pedagog-psıholog saǵatyn engizý, balalardy «Adal azamat» rýhynda tárbıeleý, zorlyq-zombylyqtan zardap shekken balalarǵa kómek kabınetterin ashý, psıhologııalyq dıagnostıkanyń biryńǵaı sıfrlyq platformasyn qurý, qadaǵalaýdy talap etetin balalardy tálimgerlermen 100% qamtý josparlanyp otyr.
«Qazaqstan balalary» onkúndigine 5 mıllıonnan astam bala qatysqan
Sondaı-aq býllıngti anyqtaý úshin beınebaqylaý kameralaryna JI tehnologııalaryn engizý, quqyqqa qaıshy kontentti joımaǵany úshin ınternet-platformalardyń jaýapkershiligin kúsheıtý de qarastyrylǵan.
Aıta keteıik, Qasym-Jomart Toqaev Ulttyq quryltaıdyń IV otyrysynda bala tárbıesindegi ózekti máselelerge toqtalyp, «Qazaqstan balalary» atty birtutas baǵdarlama qabyldaýdy usynǵan bolatyn.
