О́ńirdiń on eki aýdanynda shaǵyn orman tálimbaqtaryn uıymdastyrý, osy jerde ósken kóshetterdi eldimekenderdiń aınalasyna jersindirý jumystary erte kóktemnen bastap qolǵa alynbaqshy. Sondaı-aq «QazAvtojol» AQ men «Qazaqstan temirjoly» ulttyq kompanııasy óńirlik fılıaldarynyń qyzmetkerleri avtokólik jáne temirjol boıyndaǵy orman belderýlerin qalpyna keltirýdi bastaıdy, dep habarlaıdy.
Tabıǵı resýrstar jáne tabıǵatty paıdalanýdy retteý basqarmasynyń basshysy Isataı Espaǵanbetovtyń habarlaýynsha, 2021-2025 jyldar aralyǵynda oblys aýmaǵynda 500 myń kóshet otyrǵyzylǵan. О́ńirdegi orman sharýashylyǵy mekemeleri mamandary tálimbaqta kóbeıgen kóshetterdi kóktemde jáne kúzde jersindirýmen aınalysady.
«Byltyr tabıǵat qorǵaýshylarmen birlese jasyl jelekterdi túgendeý jumystary júrgizildi. Qoldan egilgen tal-terekterdiń jersiný deńgeıi shamamen 60-70 %-dy quraıdy. Osyǵan baılanysty tamshylatyp sýarý júıesin keńinen qoldaný jáne aptap ystyqta shólge tózimdi túrlerin otyrǵyzý mańyzdy. Otyrǵyzylǵan jasyl jelektiń kútimi úshin osy eki máselege nazar aýdaramyz», deıdi Isataı Espaǵanbetov.
Bıyl Aqtóbe qalasynda 15 gektar, al ár aýdan ortalǵynda 1 gektardan jasyl aımaq beldeýin qurý josparǵa engizildi. Jaz boıy jasyl jelekterdi kútip-baptaý jumystaryna volonterlik toptar, «Taza Qazaqstan» aksııasynyń qatysýshylary, orman sharýashylyǵy mekemelerine óndiristik tájirıbeden ótýge kelgen stýdentter jumyldyrylady.
