Foto: vıdeodan alynǵan kadr
Avtordyń aıtýynsha, oqıǵa 25 qańtar kúni túngi saǵat 03:21 shamasynda bolǵan. Qyz jumystan úıine qaıtyp kele jatqan kezde beıtanys áıeldi baıqap, keıin onyń podezge deıin sońynan erip kelgenin ańǵarǵan.
Jábirlenýshiniń sózinshe, beıtanys áıel ózin agressıvti ustap, sońynan qalmaı, qorqytatyn sózder aıtqan. Atap aıtqanda, ol: «Soqyr bolǵyń kele me?» dep aıqaılaǵan.
Boıjetken 27 qańtar kúni ony qýdalaǵan áıelge qatysty sot otyrysy ótkenin habarlady. Sýdıa aıyptalýshynyń áreketin usaq buzaqylyq dep tanyp, balaǵat sózder qoldanǵany úshin 85 myń teńge kóleminde aıyppul salǵan.
Sátbaevta qolyna pyshaq ustaǵan er adam dúken qyzmetkerlerin qorqytqan
Al jábirlenýshi sot sheshimine kóńili tolmaıtynyn aıtyp, emosııaǵa toly beınejazba jarııalady. Onyń aıtýynsha, ol áıelge qatysty basqa kórshiler de shaǵymdanǵan, biraq olardyń shaǵymy eskerýsiz qalǵan.
«Sot zalyna kirgennen bastap ol maǵan qarap kúlip otyrdy. Onyń anasy meniń anamdy kinálady. Bul óte ádiletsiz. Meniń ómirim 85 myń teńgege ǵana baǵalandy ma? Oǵan tek qoǵamdyq orynda boqtyq sóz aıtqany úshin aıyppul saldy. Sotta ol maǵan jala jaýyp, bárin birinshi meniń bastaǵanymdy aıtty», dep qynjyldy Semeı turǵyny.
Sottan keıin áıel aıyppul tólep bosatylǵan. Basqa shara qoldanylmaǵan.
