Jákeńnen qalǵan jádiger

Kórmede kópshilik nazaryna «Jambyl Jabaev ádebı-memorıaldy mý­zeıinde» saqtalǵan qundy jádi­gerler usynyldy. Úsh myńnan astam eksponattyń ishinen eń tańdaýlylary iriktelip, jurt­shylyqqa kórsetildi. Olardyń qatarynda Jetisýdyń dúldúli kıgen kıimder, tutynǵan mýzykalyq aspaptar, sırek qoljazbalar men turmystyq buıymdar bar.

Kórmedegi erekshe nazar aýdartqan jádigerlerdiń biri – aqynnyń dombyralary. Bul jóninde Jambyl Jabaevtyń nemeresi, mýzeı dırektory Saltanat Jambylova keńinen áńgimeledi. Onyń aıtýynsha, Jambyl ata dombyrany ózine serik etip, ony qalam men qaǵazdyń ornyn basqan rýhanı qural retinde baǵalaǵan.

– Atamyzdy baıtaq elge ta­nyt­qan – onyń aıtystary ekeni belgili. Sara qyzben, Aıkúmispen, Bólekqyzy Saıqalmen, Qadyrqyzy Burymmen, Shashýbaı, Qulmambet, Dosmaǵambettermen aıtysta­ry onyń aqyndyq sheberligin shyń­­­dap, sýyrypsalmalyq qabiletin ­art­tyra túsken. Sonyń bárinde jyr alybyna serik bolǵan – qasıet­ti dombyra. О́ziniń ómirlik serigi – dombyra jaıly О́tegen batyr jyrynda: «Sııa saýyt, qalamsyz, oı qozǵaǵan dombyra, Dápter, kitap, qaǵazsyz sóz qozǵaǵan dombyra», – dep jyrlaǵan. Sondyqtan biz kórmege aqynnyń eki dombyrasyn qoıdyq. Jalpy, Jambyl atamyzdan bizge úsh dombyra jetken. Ekeýi óz mýzeıinde saqtaýly, al úshinshisi Almatydaǵy Yqylas Dúkenuly atyndaǵy ulttyq aspaptar mýzeıinde tur, – deıdi ol.

Merekelik is-shara kórmemen ǵana shektelmeı, ádebı-sazdy keshke ulasty. Rýhanı basqosýda Qurmanǵazy atyndaǵy Qazaq ulttyq konservatorııasy men Temirbek Júrgenov atyndaǵy Qazaq ulttyq óner akademııasynyń stýdentteri Jambyl Jabaevtyń shyǵarmalaryn oryndap, kórer­menge rýhanı áser syılady.

Is-shara barysynda dástúrli ánshi Tileýles Qurmanǵalıev te oı bólisip, jyr alybynyń qazaq rýhanııatyndaǵy aıryqsha ornyn atap ótti.

– Jambyl búkil ısi qazaqqa máshhúr, bir ǵasyr jasap, eki ǵasyrdyń jyryn jyrlaǵan alyp tulǵa. Qazirgi zamanda Jambyldaı kókiregi dańǵyl, rýhy bıik adamdar sırek. Onyń shákirtteri Álimqul, Ásimqan syndy atalarymyzdan qalǵan mol mura bar. Sol qazynany halyqqa keńinen dáripteý – 180 jyldyq mereıtoı aıasynda áli de jalǵasyn taba beredi, – deıdi ol.

Osylaısha, Jambyl Jabaev­tyń 180 jyldyǵyna arnalǵan taǵylymdy shara ulttyq óner men dástúrdiń sabaqtastyǵyn aıshyqtap, uly aqynǵa degen halyq qurmetin taǵy bir márte dáleldedi.

ALMATY