Foto: ashyq derekkóz
AERC boljamyna sáıkes Brent markaly munaıdyń ortasha baǵasy 2026 jyly bir barrel úshin 60 AQSh dollary deńgeıinde bolady (buǵan deıin – 58 dollar bolǵan). Boljamnyń qaıta qaralýy halyqaralyq agenttikterdiń álemdik munaı naryǵyndaǵy usynys profısıti azaıýyna baılanysty.
Qazaqstannyń negizgi saýda seriktesteriniń ekonomıkasy (Reseı, EO, Qytaı) 2026 jyly orta eseppen 1,8% ósedi. Bul, ásirese, eýroaımaq elderindegi ekonomıkalyq ósimniń jedeldeýimen túsindiriledi.
Qazaqstandaǵy munaı men gaz kondensatyn óndirý kólemi 2026 jyly 93 mln tonna deńgeıinde qalyptasady degen boljam bar. Sonymen qatar, AERC sarapshylary Energetıka mınıstrliginiń málimdemelerine súıene otyryp, Teńiz, Qarashyǵanaq jáne Qashaǵan ken oryndaryndaǵy iri jobalardyń iske asýyna baılanysty naqty óndiris kólemi 100 mln tonnadan da asýy múmkin ekenin atap ótti.
2026 jylǵa arnalǵan USD/KZT ortasha baǵamy 546 teńge deńgeıine deıin qaıta qaraldy (qazan aıyndaǵy boljamda – 551,36 teńge). Bul munaı baǵasynyń joǵarylaýyna jáne teńge úshin syrtqy ekonomıkalyq jaǵdaıdyń jaqsarýyna baılanysty.
Ortasha jyldyq tutyný ınflıasııasy 2026 jyly 9,5% bolady dep kútiledi (buǵan deıin – 8,6%).
2026 jylǵy memlekettik bıýdjet tapshylyǵy 5,95 trln teńgeni nemese IJО́-niń – 3,3%-yn quraýy múmkin. Tapshylyqtyń ulǵaıýy josparlanǵan memlekettik baǵdarlamalarǵa baılanysty bıýdjet shyǵyndarynyń ósýimen túsindiriledi.
El ekonomıkasy qalaı ósip jatyr: Depýtat qarapaıym sózben túsindirip berdi
Halyqtyń naqty aqshalaı tabysynyń ósimi 2026 jyly 3,7% deńgeıine deıin tómendetildi (buǵan deıin – 4,8%). Negizgi kapıtalǵa salynatyn ınvestısııalar 2026 jyly 8,7% ósedi dep kútiledi (aldyńǵy boljam – 6,7%). Bul alty jyl ishinde keminde 270 trln teńge ınvestısııa tartýdy kózdeıtin memlekettik qoldaý sharalarymen baılanysty.
AERC sarapshylarynyń pikirinshe, eger AQSh saıasatyna baılanysty týyndaǵan saýda soǵystarynyń áseri azaıyp, álemdik energııa naryqtaryndaǵy jaǵdaı turaqtalsa, qazirgi makroekonomıkalyq boljamdy jaqsartýǵa múmkindik bar.
