Almaty qalasy Polısııa departamentiniń baspasóz qyzmeti atalǵan málimetter shyndyqqa sáıkes kelmeıtinin jáne faktilerdiń burmalanǵanyn habarlady.
«Jer men tabıǵı resýrstarǵa qatysty normalar eshqandaı ózgeriske ushyraǵan joq jáne Qazaqstan Respýblıkasynyń qoldanystaǵy Konstıtýsııasynyń talaptaryna tolyqtaı sáıkes keledi. Atalǵan aqparatty taratý faktileri quqyqtyq turǵydan baǵalandy. Almaty qalasynyń aýdandyq ákimshilik sotynyń qaýlysymen A. esimdi azamat jalǵan aqparat taratqany úshin kináli dep tanylyp, 20 AEK mólsherinde ákimshilik aıyppul arqalady», delingen habarlamada.
Almaty qalasynyń Polısııa departamenti azamattar men medıa qaýymdastyq ókilderin tek resmı jáne tekserilgen aqparat kózderin paıdalanýǵa shaqyrady, sondaı-aq jalǵan aqparatty jarııa keńistikte taratýdyń Qazaqstan Respýblıkasynyń zańnamasyna sáıkes jaýapkershilikke ákep soǵatynyn eske salady.
Jalǵan aqparat: Almatydaǵy mektepterge terrorıstik shabýyl jasalýy múmkin
Aıta keteıik, keshe áleýmettik jelilerde Qazaqstan jerin sheteldikterge satý týraly aqparat taraǵan edi. Alaıda, Jalǵan aqparatqa qarsy is-qımyl ortalyǵy Qazaqstan jerin sheteldikterge satý týraly taraǵan aqparattyń shyndyqqa janaspaıtynyn, faktilerdiń burmalanǵanyn málimdedi.
