Sýret: kaztag.kz
Energetıka mınıstriniń orynbasary Qaıyrhan Tutqyshbaevtyń deregine súıensek, bıyl qańtar aıyna josparǵa sáıkes óńir qajettiligine 7 110 tonna suıytylǵan munaı gazy bólinipti. Alaıda oblystyń aı saıynǵy naqty suranysy – 9 myń tonna. Tapshylyq deńgeıi 21%-ǵa jetip otyr. Osyǵan baılanysty jergilikti ákimdik mınıstrlikten qosymsha úsh myń tonna gaz suraǵan edi. Biraq mınıstrlik tarapynan bul suranys tolyq qamtylmaı, qosymsha 1500 tonna gaz bólinipti.
Oblystyq energetıka jáne turǵyn úı-kommýnaldyq sharýashylyq basqarmasynyń bas mamany Anar Ahmetovanyń aıtýynsha, Energetıka mınıstrliginiń josparyna sáıkes aldaǵy aılarda beriletin gaz kólemi edáýir azaıypty. Máselen, aqpan aıyna 6 667 tonna, naýryz aıyna 6 910 tonna suıytylǵan munaı gazyn berý qarastyrylyp otyr.
Májilis depýtaty Dúısenbaı Turǵanovtyń pikirinshe, aldaǵy aılarǵa josparlanǵan kólemi aı saıynǵy suranys kórsetkishinen aıtarlyqtaı tómen. Demek jaqyn aılarda gaz tapshylyǵynyń qaıtalaný qaýpi bar. «Munaı men gaz óndiriletin Atyraý oblysynda mundaı jaıt bolmaýǵa tıis», deıdi depýtat.
Atyraý oblysy
