UFC reıtıngi jańartyldy: Shavkat Rahmonov tizimde bar ma?

30 ret

kórsetildi

1 mın

oqý úshin

3 aqpanda jarııalanǵan UFC-diń jańartylǵan reıtınginde jartylaı orta salmaqtaǵy úzdikter qatarynan Shavkat Rahmonovtyń esimi tabylmady. Amerıkalyq promoýshen otandyq faıterdi tizimnen tolyq alyp tastaǵan, dep habarlaıdy Egemen.kz.

Shyńǵys MUQAEV

UFC reıtıngi jańartyldy: Shavkat Rahmonov tizimde bar ma?

Foto: Instagram/shavkat.rakhmonov94

UFC saıtyndaǵy málimetke súıensek, Rahmonovtyń ornyna reıtıngte amerıkalyq Maıkl Morales basqan. Lıga ókilderi otandyq faıterdiń nelikten tizimnen shyǵarylǵany jóninde túsinikteme bermegen.

Aıta keteıik, Shavkat Rahmonov jýyrda taǵy da jaraqat alǵan. Boljam boıynsha, sportshy 2026 jyldyń basym bóligin tolyqtaı qalpyna kelýge jumsaýy múmkin. Al UFC úshin bir jyldan astam ýaqyt oktagonǵa shyqpaǵan, endi taǵy da belgisiz merzimge qatardan shetteıtin faıterdiń reıtıngte qalýy tıimsiz sheshim sanalady.

Shavkat Rahmonovtyń jubaıy men balasy jol apatyna ushyrady

Bul jańalyq bıyl Rahmonovtyń chempıondyq belbeý úshin talasyn kóremiz dep úmittengen qalyń qaýymǵa aýyr tıdi.

Endi negizgi saýal – Shavkat Rahmonov mansabyn jalǵastyra ma álde aıaqtaı ma? Jankúıerler 2027 jyly onyń UFC chempıony ataǵy úshin basty jekpe-jegin tamashalaı ala ma? Bul saýaldarǵa ázirge naqty jaýap joq. Faıterdiń ózi de, komandasy da resmı málimdeme jasamady.

Aıta keteıik, «Nomad» laqap atymen tanylǵan Shavkat Rahmonov sońǵy jekpe-jegin 2024 jylǵy 8 jeltoqsanda ótkizdi. Ol kezde Qazaqstan sportshysy ırlandııalyq Ien «Machado» Gerrıdi tóreshilerdiń biraýyzdy sheshimimen jeńgen edi.