Foto: Densaýlyq saqtaý mınıstrligi
Tekserý nátıjeleri
2025 jyly júrgizilgen baqylaý sharalarynyń qorytyndysy boıynsha elimizde 400-ge jýyq densaýlyq saqtaý sýbektisiniń qyzmeti toqtatyldy. Tekserý barysynda 500-den astam ákimshilik jaza qoldanylyp, salynǵan aıyppuldardyń jalpy somasy 70 mln teńgeden asqan.
Qadaǵalaý tájirıbesinde alǵash ret jedel den qoıý tetikteri iske qosyldy. Atap aıtqanda, medısınalyq uıymdardyń qyzmetin ýaqytsha toqtata turý, lısenzııasyz jumys istegen nysandardy jabý jáne biliktilik talaptaryna saı kelmegen medısına qyzmetkerlerin qyzmetten shettetý sharalary qoldanyldy.
Farmasevtıka salasyndaǵy bylyq: Jalǵan qujatpen medısınalyq jabdyqtar jetkizgen kompanııa anyqtaldy
Qaı baǵyttarǵa erekshe nazar aýdaryldy?
Tekserýler eń aldymen jeke emshara kabınetterine, narkologııalyq jáne ońaltý ortalyqtaryna, sondaı-aq stomatologııalyq klınıkalarǵa baǵyttaldy. Nátıjesinde lısenzııasyz qyzmet kórsetý men medısınalyq kómek standarttaryn saqtamaý faktileri keń taralǵany anyqtaldy.
Elimiz boıynsha jumys istep turǵan 1900-den astam jeke emshara kabıneti anyqtalyp, onyń 406-sy, ıaǵnı 20,5 %-y lısenzııasyz qyzmet kórsetken. Tekserý jáne túsindirý jumystarynyń nátıjesinde 247 kabınet óz erkimen jumysyn toqtatty.
Jeke narkologııalyq jáne ońaltý ortalyqtary boıynsha 39 tekserý júrgizilip, 14 jaǵdaıda lısenzııanyń bolmaýy anyqtaldy. Al stomatologııalyq qyzmet kórsetetin 313 klınıkanyń 143-i túsindirý jumystarynan keıin óz qyzmetin toqtatýǵa sheshim qabyldaǵan.
Eń jıi kezdesetin buzýshylyqtar
Mınıstrlik málimetinshe, tekserý barysynda anyqtalǵan negizgi zańbuzýshylyqtar mynalar:
- lısenzııasyz qyzmet kórsetý boıynsha 179 hattama toltyrylyp, 3,9 mln teńge aıyppul salynǵan;
- farmasevtıkalyq qyzmet qaǵıdalaryn buzý deregimen 85 hattama jasalyp, 19,5 mln teńge óndirilgen.
Sonymen qatar biliktilik talaptaryna sáıkes kelmeý, medısınalyq kómek standarttaryn óreskel buzý, tirkelmegen dárilik zattar men medısınalyq buıymdardy qoldaný faktileri de tirkelgen.
Aldaǵy josparlar
Densaýlyq saqtaý mınıstrligi 2026 jyldan bastap jeke medısınalyq uıymdarǵa baqylaýdy odan ári kúsheıtýdi josparlap otyr. Onyń ishinde TMKKK men MÁMS sheńberinde keshendi tekserýler júrgizý, lısenzııalardyń qoldanylý merzimin 5 jyl saıyn qaıta baǵalaý, lısenzııadan keıingi baqylaýdy sıfrlandyrý jáne jasandy ıntellekt elementteri bar táýekelderdi basqarý júıesin engizý kózdelgen.
Mınıstrlik azamattarǵa medısınalyq kómek alar kezde uıymnyń lısenzııasy men medısına qyzmetkerleriniń biliktiligin tekserýge keńes beredi. Eger zańbuzýshylyq anyqtalsa, medısınalyq jáne farmasevtıkalyq baqylaý komıtetiniń aýmaqtyq departamentterine E-otinish júıesi arqyly júginýge bolady.
Mindetti medısınalyq saqtandyrý qory nege Qarjy mınıstrligine berildi?
