Foto: Turizm jane sport ministrligi
Týrızm jáne sport mınıstrliginiń baspasóz qyzmetiniń málimdeýinshe, Mılandaǵy aq Olımpıada aıaqtala salysymen Almatyda Frıstaıl-mogýldan Álem kýbogi kezeńi men FIP GOLD ALMATY halyqaralyq padel týrnırin, WKF karateden KazOpen halyqaralyq týrnırin, barlyq jas sanattary boıynsha djıý-djıtsýdan Azııa chempıonatyn uıymdastyrý josparlanǵan. Al jyl saıyn dástúrli túrde uıymdastyrylatyn «XXXIV Memorıal – Ǵ.Qosanov» halyqaralyq jeńil atletıka jarysy men Denis Ten Memorial Challenge Series mánerlep syrǵanaýdan halyqaralyq týrnıri Almatyda ótedi.
Italııadaǵy aq Olımpıada: Sportshylardyń jarys kestesi jarııalandy
Elorda da birqatar mańyzdy baıraqty básekelerdi qabyldaıdy. 2025-2026 maýsymyna arnalǵan ÝEFA fýtzaldan Chempıondar lıgasynyń fınaly men tórtinshi ret ótetin dzıýdodan Grand Slam týrnırin kópshilik tamashalaı alady. Osy jarystarmen qatar erler men áıelder arasyndaǵy Silk Way Series Kazakhstan-1,2 halyqaralyq jarystary, júzý men bochchadan Álem kýbogteri, golboldan jastar arasyndaǵy álem chempıonaty men Astana Open Series Kazakhstan-1,2 halyqaralyq jarystary uıymdastyrylady.
Sondaı-aq bıyl Astanada fıdjıtal sporttan «Bolashaq oıyndary» halyqaralyq mýltısporttyq týrnıri ótedi.
Olımpıada-2026: Ulttyq bank jańa kolleksııalyq monetalardy shyǵarady
Talǵarda kópkúndik velojarystan Azııa kýbogin, Shymkentte ISSF stend atýdan Álem kýbogi men maýntınbaıktan (MTB) Azııa kýbogin, al Túrkistanda para kanoeden Azııa chempıonatyn ótkizý josparlanǵan.
Bul jarystardyń barlyǵy Qazaqstannyń álemdik sport qaýymdastyǵynyń senimdi seriktesi jáne iri halyqaralyq jarystardy qabyldaı alatyn zamanaýı sporttyq alań ekenin taǵy bir márte aıǵaqtaıdy.
