2026 jylǵy 4 aqpanda Astana qalasynda Qazaqstan zańgerler odaǵynyń uıymdastyrýymen Qazaqstan Respýblıkasy jańa Konstıtýsııasy jobasynyń saraptamalyq talqylaýy ótti. Is-sharaǵa zańgerler qaýymdastyǵynyń ókilderimen qatar memlekettik organdar, sýdıalar korpýsy, notarıat pen jeke sot oryndaýshylar, ǵylymı orta, zań konsýltanttary palatalary, sondaı-aq Respublica saıası partııasynyń ókilderi qatysty. Sonymen birge Astana, Almaty, Shymkent qalalary men birqatar oblystardaǵy óńirlik fılıaldardyń basshylary men músheleri bas qosty.
Kezdesýdi Qazaqstan zańgerler odaǵynyń atqarýshy dırektory Arǵyn Iskakbekov júrgizdi. Negizgi baıandamany Konstıtýsııalyq komıssııanyń múshesi, Qazaqstan zańgerler odaǵynyń jáne Respýblıkalyq zań konsýltanttary alqasynyń tóraǵasy Serik Aqylbaı jasady.
Baıandamasynda ol jańa Konstıtýsııa jobasy jekelegen túzetýlerdiń jıyntyǵy emes, qoǵamnyń zamanaýı suranystary men memlekettiń uzaqmerzimdi damý baǵdaryn aıqyndaıtyn Negizgi zańnyń jańartylǵan tujyrymdamasy ekenin atap ótti. Jobada adam quqyqtary men bostandyqtaryn memlekettik saıasattyń basty basymdyǵy retinde bekitýge, olardy qorǵaýdyń qosymsha quqyqtyq kepildikterin qalyptastyrýǵa erekshe mán berilgen.
QHP aımaqtarda jańa Konstıtýsııa jobasyn talqylaýdy jandandyrdy
Serik Aqylbaı alǵash ret azamattardyń sıfrlyq keńistiktegi quqyqtaryn qorǵaý, sonyń ishinde derbes derekterdiń qaýipsizdigin qamtamasyz etý máseleleri konstıtýsııalyq deńgeıde aıqyndalatynyn aıtty. Sondaı-aq bilim berý, ǵylym, mádenıet pen ınnovasııalardy damytý memlekettiń negizgi baǵyty ári adamı kapıtaldy nyǵaıtýdyń tiregi retinde belgilengen.
Qujatta memlekettiń jáne bilim berý júıesiniń zaıyrly sıpatyn saqtaý, qoǵamdyq kelisimdi nyǵaıtý, ádilettilik, zańdylyq pen quqyqtyq tártipti konstıtýsııalyq qundylyq retinde bekitý de qaǵıdatty erejelerdiń qatarynan oryn alǵan.
Saraptamalyq pikirlerdi beıindi ınstıtýttardyń basshylary men ókilderi ortaǵa saldy. Olardyń qatarynda Respýblıkalyq notarıattyq palata, Qazaqstan Respýblıkasy Sýdıalar odaǵy, Jeke sot oryndaýshylarynyń respýblıkalyq palatasy, saıası partııalar jáne óńirlik zańgerler uıymdarynyń jetekshileri bar.
«Aq jol» Demokratııalyq partııasy Ulttyq keńesiniń plenýmy Jańa Konstıtýsııa jobasyn qoldady
Talqylaý barysynda bılik tarmaqtarynyń ózara is-qımylyn kúsheıtý, azamattardyń quqyqtaryn qorǵaýdyń konstıtýsııalyq tetikterin jetildirý, sondaı-aq qazirgi syn-qaterlerdi eskere otyryp quqyqtyq júıeni jańǵyrtýǵa baǵyttalǵan ınstıtýsıonaldyq ózgerister sóz boldy.
Jıyn qorytyndysynda kásibı qaýymdastyq jańa Konstıtýsııa jobasynyń tujyrymdamalyq tásilderin jalpy qoldaıtynyn bildirip, ony odan ári jetildirýge arnalǵan naqty usynystardy ýákiletti organdarǵa joldaýǵa daıyn ekenin jetkizdi.
