Aıtys Batys Qazaqstan oblysy ákimdigi, oblystyq mádenıet, tilderdi damytý jáne arhıv isi basqarmasynyń qoldaýymen, Ǵ.Qurmanǵalıev atyndaǵy akademııalyq fılarmonııa men Qadyr Myrzalıev atyndaǵy oblystyq mádenıet jáne óner ortalyǵynyń uıymdastyrýymen ótti.
Sóz saıysyna kórshiles Qyrǵyz respýblıkasynan, sonymen qatar, elimizdiń birqatar oblysynan jáne batysqazaqstandyq jergilikti aqyndar qatysty.
Aıtystyń qazylar alqasyna «Otan», «Parasat» ordenderiniń ıegeri, Qazaqstannyń eńbek sińirgen qaıratkeri, M.Maqataev atyndaǵy syılyqtyń laýreaty, halyqaralyq «Aıtys aqyndary men jyrshy-termeshiler odaǵynyń» basqarma tóraǵasy, qoǵam qaıratkeri, aqyn Júrsin Erman tóraǵalyq etti.
Al aıtysty Qazaqstannyń eńbek sińirgen qaıratkeri, Parlament Májilisiniń depýtaty Amanjol Áltaı júrgizip otyrdy.
Sonymen, qazylar alqasynyń sheshimimen Pavlodar oblysynyń atynan kelgen aqyn Aspanbek Shuǵataı men bókeıordalyq Jansaıa Mýsına aıtystyń Bas júldesin bólisip aldy.
I oryn Qyzylorda oblysynyń namysyn qorǵaǵan Meıirbek Sultanhanǵa buıyrdy. II orynǵa shymkenttik Nurlan Esenqulov laıyq dep tanyldy.
Al Qyrǵyz respýblıkasynan kelgen Argen Bıımyrza ýýlý, jympıtylyq Baýyrjan Shırmedınuly, Aqtóbe oblysynan kelgen Arýna Kerimbek halyqaralyq aıtystyń III oryn júldesine ıe boldy.
Batys Qazaqstan oblysy
