Sondaı jobanyń biri – gaz týrbınaly elektr stansasy. Munaıly óńirdegi eń iri energetıkalyq jobanyń qurylysyn qarjylandyrýǵa Qytaı eliniń ınvestory da úles qosyp otyr. «Hualin Energy LTD» kompanııasynyń kommersııa jónindegi dırektory Maǵjan Bekmusanyń aıtýynsha, joba ekijaqty áriptestik týraly memorandým aıasynda qolǵa alynǵan, qurylysyn úsh kezeńmen júrgizý kózdelgen. Alǵashqy kezeńde qýaty 250 MVt quraıtyn nysan salynady. Nysandy osy jyldyń sońyna deıin aıaqtaý josparlanyp otyr. Al elektr stansasy 2029 jyly tolyq iske qosylady.
«Iri energetıkalyq joba oblys ekonomıkasyn damytýǵa eleýli serpin beredi. Qurylys barysynda 1 000-nan astam jumys orny ashylady. Nysan tolyq paıdalanýǵa berilgennen keıin 300-ge jýyq turaqty jumys orny qurylady. Qazir daıyndyq jumystarynyń negizgi bóligi aıaqtaldy. Arnaıy mamandar topografııalyq túsirilimder júrgizip, ınjenerlik-izdestirý jumystaryn oryndady. Oblys ákimdigi jan-jaqty qoldaý kórsetip otyr. Qurylystyń negizgi kezeńi naýryz aıynda bastalady», dedi Maǵjan Bekmusa.
Onyń pikirinshe, jobany iske asyrý úshin Atyraýdaǵy elektr energııasyna suranys zerttelgen. Qazir óńirde elektr energııasyna qajettilik artyp tur.
«Jobada jańa tehnologııalyq sheshimder bar. Ásirese ekologııaǵa zııan tıgizbeýine basa mán berildi. О́ıtkeni aýada janyp turatyn gazdy zamanaýı tehnologııalardyń kómegimen elektr energııasyna aınaldyrýǵa múmkindik mol. Sonyń nátıjesinde óndiriletin elektr energııasynyń ózindik quny qoldanystaǵy tarıfterden tómen bolady. Tarıfi tómen energııa óńirdiń qajettiligin qamtamasyz etýge, jańa óndiristik jobalardy iske asyrýǵa paıdalanylady», dep málim etti ol.
Atyraý oblysy
