Jádiger • Búgin, 08:58

Aqynnyń kesesi mýzeıge tabystaldy

10 ret
kórsetildi
2 mın
oqý úshin

Muqaǵalı Maqataevtyń týǵan jeri Qarasaz aýylyndaǵy aqyn murajaıy tańǵajaıyp talant ıesiniń mol murasy saqtalǵan kıeli shańyraq. Onda barlyǵy 1281 jádiger jınaqtalǵan bolsa, eksponattardyń 250-i – kórnekti aqynnyń tirshiliginde tutynǵan turmystyq buıymdary men kitaptary. Osynaý jádigerlerdiń birsypyrasy aqyn mereıtoıy aıasynda Almatyǵa ákelinip, Ulttyq ortalyq mýzeıde kórermen nazaryna usynyldy.

Aqynnyń kesesi mýzeıge tabystaldy

Sýretti túsirgen – avtor

Jyljymaly kórmege aqyn­nyń shahmat taqtasy, dombyrasy, jazý máshińkesi, portfeli, qol saǵaty, sııa saýyty, qoljaz­bala­ry men fotosýretteri qoıyldy. Ásirese Ǵabıt Músirepov tartý etken altyn qalamsap, Ábdilda Tájibaev syıǵa tartqan nasy­baı shaqshasy, 96 betten turatyn qoljazba dáp­ter, aqyn qoly­nyń taby qalǵan kitaptar ekspozısııa mazmunyn arttyra túsken.

«Almaty qalasy men Almaty ob­lystyq Mýzeıler birlestigi mu­ryndyq bolǵan kóshpeli kórme­ge negizgi jádigerlerdi ákelip otyrmyz. Qaladan 320 shaqyrym qashyqta ornalasqan bizdiń aýylǵa  Muqaǵalı mýzeıin tamashalaý úshin elimizdiń túkpir-túkpirinen, alys-jaqyn shetelderden jylyna myńdaǵan adam keledi. Aqyn aýyly qonaqtaryn qushaq jaıa qarsy alýǵa ár kez daıyn. Mereıtoıǵa oraı uıym­dastyrylyp otyrǵan kósh­peli kórme Qarasaz aýyly­na barýǵa múmkindigi joq azamattar úshin taptyrmas olja boldy dep sanaımyz», deıdi M.Maqataevtyń ádebı-me­morıaldyq murajaıynyń ǵyly­­mı qyzmetkeri Battal Ádilet.

Aıryqsha kórmeniń ashylý saltanaty «Jyrlaıdy júrek» dep atalǵan ádebı-sazdy keshke ula­­syp, J.Elebekov atyndaǵy res­­­­pýb­lıkalyq estrada-sırk kol­­­ledji­niń stýdentteri aqyn óleń­derine jazylǵan ánderdi oryndady.

Ádebı-sazdy kesh aıasynda Muqa­­ǵalı Maqataev atyndaǵy qoǵam­dyq qordyń dırektory Baqyt­­kúl Aıdarova, «Muqaǵalı» jýr­na­­lynyń bas redaktory Dúı­sen Maǵlumov, aqyn Baqyt Bedel­han, aqyn Baqyt Ja­ǵypar­uly qalam­gerdiń shyǵar­mashylyq mura­sy týraly oı bólisti.       

Ulttyq ortalyq mýzeı dı­rekto­rynyń mindetin atqarýshy Serjan Sarov, jyr merekesi­niń kórigin qyzdyrǵan kórkem joba Almatyda saltanat quryp, halqynyń súıikti perzentin jyr besikte terbegen Qarasazdaǵy aqyn murajaıynyń arnaıy kelýi sáýleli jyrdan qýat alyp, Muqaǵalı álemimen úndeskisi kelgen kórermenge qýanysh syılaǵanyn jetkizdi.

Aqyn dańqy asqaqtaǵan saıyn, uly qalamgerdiń saýsaǵy tıgen zattardyń bári qymbat. О́z keze­ginde Baqytkúl Aıdarova aqyn urpaq­tarynyń atynan Muqaǵa­lıdyń ózi tutynǵan kesesi men ómiriniń sońǵy kezderinde aýrýhanada kıgen kıimin, sondaı-aq aqyn murasyn qamtyǵan birneshe kitapty Ulttyq ortalyq mýzeıdiń qoryna tabystady.

 

ALMATY