Taǵylymdy is-sharaǵa aqynnyń týǵan ólkesi – Qarasaz aýylyndaǵy mýzeıdiń qalyptasýyna zor eńbek sińirgen muqaǵalıtanýshy ǵalym Jumash О́teevtiń jubaıy, altyn alqa ıegeri, ardager ustaz Tileýhan Mergenbaeva jáne qyzy Araı Jumashqyzy arnaıy qonaq retinde shaqyryldy.
Kezdesý barysynda Qarasazdaǵy mýzeıdiń ashylý tarıhy, «Qarasaz fenomeni» uǵymy, sondaı-aq Muqaǵalı murasynyń búgingi tańda zerttelý deńgeıi sekildi mańyzdy taqyryptar keńinen sóz boldy.
Almaty oblysy, Raıymbek aýdany, Qarasaz aýylynan arnaıy Astanaǵa kelgen Tileýhan Mergenbaeva aqynmen júzdesken sátterinen syr shertip, el bile bermeıtin tyń derekter men júrekke jyly estelikterimen bólisti.
Aqıyq aqyndy shetel oqyrmany qalaı baǵalaıdy?
Kesh aıasynda mektep oqýshylary Muqaǵalı Maqataevtyń óleńderin mánerlep oqyp, ánderin oryndap, aqyn rýhyna qurmet kórsetti. Sonymen qatar, №100 mekteptiń 9 «á» synyp oqýshysy Tursynaly Meıirman Jumash О́teevke arnalǵan arnaýyn oqyp, kórermen kóńilin tolqytty.
Taǵylymǵa toly bul kesh jas urpaqtyń ulttyq ádebıetke degen súıispenshiligin arttyryp, Muqaǵalı poezııasynyń máńgilik qundylyǵyn taǵy bir márte dáleldedi.
