Kollajdy jasaǵan – Qonysbaı ShEJIMBAI, «EQ»
Ulttyq statıstıka bıýrosynyń 9 aqpanda jarııalaǵan málimetine sáıkes, esepti kezeńde elge 23,8 myń adam kelgen, al 7,6 myń adam Qazaqstannan ketken.
2024 jylmen salystyrǵanda kóshi-qon belsendiligi tómendegen. Máselen, kelgenderdiń sany 20,7%-ǵa, elden ketkenderdiń sany 40,5%-ǵa azaıǵan.
Kóshi-qon almasymynyń negizgi bóligi burynǵydaı TMD elderine tıesili. 2025 jyly Qazaqstanǵa kelgenderdiń 81,8%-y jáne elden ketkenderdiń 71,8%-y TMD memleketterine tıesili boldy. Kelgender arasynda etnıkalyq qazaqtar men orystar basym bolsa, elden ketkenderdiń negizgi bóligin orystar men qazaqtar qurady.
Al ishki kóshi-qon, kerisinshe, ósim kórsetti. О́ńiraralyq qonys aýdarý kólemi ótken jylmen salystyrǵanda 13,6%-ǵa artty. Ishki kóshi-qonnyń oń saldosy tórt óńirde – Astana, Almaty, Shymkent qalalarynda jáne Almaty oblysynda tirkeldi. Eń joǵary halyq ósimi elordada baıqalyp, kóshi-qon esebinen halyq sany 87 myń adamǵa artty.
О́ńiraralyq kóshi-qonnyń teris saldosy Soltústik Qazaqstan, Shyǵys Qazaqstan jáne Qaraǵandy oblystaryn qosa alǵanda, eldiń kóptegen aımaqtarynda saqtaldy.
Aıta keteıik, buǵan deıin Qazaqstan halqynyń sany 20,4 mıllıonnan asqanyn jazǵan edik.
