Foto: Joǵarǵy sot
Tergeý barysynda er adam jábirlenýshiniń baılanysty toqtatý týraly talabyn elemeı, áıeldi turǵylyqty jáne jumys ornynda qýdalap, beınejazbaǵa túsirip jáne psıhologııalyq qysym kórsetkeni anyqtaldy.
Sotta memlekettik aıyptaýshy jábirlenýshiniń jeke bas bostandyǵyna, qaýipsizdigine jáne jeke ómirine qol suǵylýyna baılanysty sottalýshynyń kinásin dáleldeıtin tolyq ári jan-jaqty aıǵaqtar usynǵan.
Stalkıng pen alaıaqtyq qatań jazalanady
«Sot úkimimen ol stalkıng jasaǵany úshin kináli dep tanylyp, 100 saǵat qoǵamdyq jumystarǵa tartylyp, moraldyq zııandy óteýge mindetteldi. Aıyptalýshynyń buǵan deıin bostandyǵyn shekteý túrindegi jazany ótep, onyń sharttaryn buzǵanyn eskere otyryp, ótelmegen jaza bóligi bas bostandyǵynan aıyrý jazasyna aýystyryldy», delingen Astana qalalyq sotynyń baspasóz qyzmeti taratqan habarlamada.
Aıta keteıik, zańsyz qýdalaý áreketi úshin 200 aılyq eseptik kórsetkishke deıin aıyppul salý, sol mólsherde túzeý jumystary, 200 saǵatqa deıin qoǵamdyq jumystarǵa tartý nemese 50 táýlikke deıin qamaýǵa alý túrindegi qylmystyq jaýapkershilik kózdelgen.
Buǵan deıin Petropavl men Atyraý oblystarynda osy mazmundaǵy qylmys jasaǵan eki azamat jazalanǵanyn habarlaǵanbyz.
