«Árıne, qazirgi Konstıtýsııamyzdyń mán-mańyzyn eshkim joqqa shyǵarmaıdy. Sońǵy 30 jylda jetken barlyq jetistigimizdiń bastaýynda Ata zańymyz turǵany sózsiz. Bul – tuńǵysh Prezıdent Nursultan Nazarbaevtyń tabandy eńbeginiń arqasy», dedi Prezıdent.
Sonymen birge Memleket basshysy Konstıtýsııa el táýelsizdiginiń alǵashqy jyldaryndaǵy kúrdeli kezeńde qabyldanǵanyn eske saldy. Sol ýaqyttyń syn-qaterleri men aýyrtpalyǵy negizgi zań mátininde óz izin qaldyrǵany zańdy qubylys ekenin aıtty.
«Degenmen bul qujat elimiz endi ǵana eńsesin tikteı bastaǵan kezde qabyldanǵanyn eskergen jón. Onda Táýelsizdiktiń alǵashqy kezeńindegi qıyn kúnderdiń izi bar. Solaı bolýy da zańdy», dedi Qasym-Jomart Toqaev.
Prezıdent: Konstıtýsııalyq komıssııanyń jumysy barynsha ashyq júrgizildi
Prezıdenttiń sózinshe, sodan beri Qazaqstan túbegeıli ózgerdi. Halyqaralyq arenada bedeli joǵary, saıası jáne ekonomıkalyq turǵydan ornyqqan memleketke aınaldy. Al álemdik deńgeıde geosaıası, geoekonomıkalyq jáne tehnologııalyq úderisterdiń kúrt ózgerýi eldiń ishki damýyna da tikeleı áser etti.
«Qazir álemdegi geosaıası, geoekonomıkalyq, tehnologııalyq ahýal túbegeıli ózgerip jatyr. Sońǵy jyldary Qazaqstan da kóptegen ózgeristi bastan ótkerdi. Bul ózgerister ult sanasyna yqpal etti, tipti, zor silkinis ákeldi desek, qate bolmas», dedi Memleket basshysy.
«Ártúrli kózqaras – birtutas ult»: Prezıdent elimiz úshin mańyzdy qaǵıdatty atady
Osyǵan baılanysty Prezıdent eldiń maqsat-mindetteri men qundylyqtaryn, damý qaǵıdattaryn zaman talabyna saı qaıta qaraý qajettigin aıtty. Onyń pikirinshe, bul úderis konstıtýsııalyq deńgeıde júzege asýy tıis jáne eldiń bolashaq damý baǵdaryn aıqyndaıdy.
«Sondyqtan elimizdiń maqsat-mindetterin, qundylyqtary men qaǵıdattaryn zaman talabyna saı, konstıtýsııalyq deńgeıde jańǵyrtý aıryqsha mańyzdy», dedi Qasym-Jomart Toqaev.
