Foto: ashyq derekkóz
Buryn-sońdy bolmaǵan deńgeı
2025 jyly zergerlik jáne oǵan uqsas buıymdar óndirisiniń aılyq kólemi qańtardaǵy 166,2 mln teńgeden jeltoqsandaǵy 303, 3 mln teńgege deıin aýytqydy. Jyl qorytyndysy boıynsha ortasha aılyq óndiris kólemi 229,8 mln teńgeni qurady. Bul aldyńǵy jyldarmen salystyrǵanda aıtarlyqtaı joǵary kórsetkish.
Bul derekter baǵa faktorynyń saladaǵy negizgi draıveri bolyp qala beretinin aıqyn kórsetti.
Altyn baǵasy qymbattady
Mundaı serpindi ósim eń aldymen baǵaly metaldardyń, ásirese altynnyń qymbattaýymen baılanysty. Aılyq dınamıkaǵa nazar aýdarsaq, 2023 jyly zergerlik buıymdar óndirisiniń ortasha aılyq kólemi 102 mln teńge bolsa, 2024 jyly bul kórsetkish 153,6 mln teńgege deıin artqan.
Baǵa ósimi óndiris kólemimen qatar júrdi. Máselen, 2024 jyldyń sáýirinde sektordaǵy óndiris 105 mln teńgeni qurasa, jeltoqsanǵa qaraı ol 258 mln teńgege deıin ósti.
Ulttyq bank derekterine sáıkes:
-
2020 jyldyń sońynda 1 gramm altyn 25,4 myń teńge boldy;
-
2022 jyldyń sońynda − 26,8 myń teńge (eki jylda +5,4%);
-
2023 jyldyń jeltoqsanynda baǵa 30,3 myń teńgege jetip, bir jylda 13,3% ósti;
-
2024 jyly altyn birden 45%-ǵa qymbattap, 43,9 myń teńge boldy;
-
2025 jyldyń sońynda altyn baǵasy taǵy 61,4%-ǵa ósip, 70,9 myń teńgege jetti.
Parıjde taǵy da urlyq: zergerlik buıymdardy tasymaldaýshylarǵa shabýyl jasaldy
Álemdik naryqtaǵy qubylmalylyq
Osy jyldyń qańtar aıynyń sońy men aqpannyń basynda halyqaralyq naryqtarda altyn baǵasy kóp qubyldy. Keı sátterde kotırovkalar troı ýnsııasy úshin 5,6 myń AQSh dollaryna deıin kóterilse, 6 aqpanda 5 myń dollarǵa, al aı basynda 4,4 myń dollarǵa deıin tómendedi. Soǵan qaramastan, altyn baǵasy áli de tarıhı turǵyda joǵary deńgeıde qalyp otyr.
Qazaqstandaǵy baǵanyń bólshek naryqqa áseri
Qazaqstanda qańtar aıynyń sońynda altynnyń bir gramy 89 myń teńgege deıin qymbattap, tarıhı maksımýmǵa jetti. Alaıda álemdik naryqtaǵy túzetýden keıin 6 aqpanǵa qaraı baǵa 13,1%-ǵa tómendep, 77,3 myń teńgeni qurady. Degenmen, jyl basynan beri altyn baǵasy báribir 9,1%-ǵa ósken.
Bul jaǵdaı zergerlik buıymdardyń bólshek baǵasyna qysym jasap otyr.
Neke saqınalarynyń baǵasy jyl saıyn ósip jatyr
Qazaqstanda altyn neke saqınalarynyń baǵasy 17 aı qatarynan ósip keledi jáne eki jyldan astam ýaqyt boıy tómendegen emes. О́tken jyldyń jeltoqsanynda olardyń baǵasy bir aıda 1,1%-ǵa artty.
2025 jyly aı saıynǵy baǵa ósimi:
-
aqpanda − 0,8%,
-
qazanda − 5,3% aralyǵynda boldy.
Álemdik naryqtaǵy qysqa merzimdi túzetýlerge qaramastan, altyn baǵasynyń jınaqtalǵan ósimi zergerlik buıymdar baǵasynyń arzandaýyn kútýge múmkindik bermeı otyr.
Jyldyq ósim jáne óńirlik aıyrmashylyqtar
Bir jyl ishinde altyn neke saqınalary 38,2%-ǵa qymbattady.
-
bir jyl buryn ósim 23% bolǵan;
-
2023 jyldyń jeltoqsanynda jyldyq qymbattaý nebári 2,7% deńgeıinde edi.
О́ńirler arasynda eń joǵary ósim:
-
Almaty qalasynda − 64,6%,
-
Túrkistan oblysynda − 56,4%,
-
Aqmola oblysynda − 52,7%.
Ortasha respýblıkalyq deńgeıden joǵary ósim Qaraǵandy, Aqtóbe jáne Ulytaý oblystarynda da tirkeldi.
Al eń tómengi baǵa ósimi:
-
Jetisý oblysynda − 4,9%,
-
Mańǵystaý oblysynda − 14,5% boldy.
