«Memleket basshysy jańa Konstıtýsııa jobasynyń máni men mańyzyna arnaıy toqtaldy. Usynylyp otyrǵan ózgeristerdiń aýqymy keń, mańyzy zor. Eń bastysy – talqylaý úderisi ashyq ótti, mundaı tájirıbe elimizdiń tarıhynda buryn-sońdy bolmaǵan. Prezıdent atap ótkendeı, jańa Konstıtýsııada «adam memleket úshin emes, memleket adam úshin» degen qaǵıdat aıqyn kórinis tapty. Konstıtýsııalyq reformanyń negizgi maqsaty – saıası jańǵyrýmen qatar ekonomıkanyń sapaly ósimin qamtamasyz etý. Iаǵnı birinshi kezekte halyqtyń tabysy men ál-aýqatyn arttyrýǵa basymdyq berilýi kerek. Bul – bizdiń aldymyzda turǵan asa mańyzdy mindet», dedi otyrysty ashqan Úkimet basshysy.
Al Premer-mınıstrdiń orynbasary – Ulttyq ekonomıka mınıstri Serik Jumanǵarınnyń aıtýynsha, tabystyń ósýi, ınflıasııany tómendetý men naqty sektordy qoldaýǵa basymdyq beriledi. Ulttyq bankpen birlesip, ınflıasııa deńgeıin 9–11%-ǵa deıin tómendetý týraly jospar ázirlenetini aıtyldy. 1 mamyrǵa deıin Halyq tabysyn arttyrýdyń 2026–2029 jyldarǵa arnalǵan baǵdarlamasy qabyldanady. Sondaı-aq bıznesti memlekettik qoldaý sharalaryn EGov Business platformasynda «bir tereze» qaǵıdaty arqyly damytý jalǵasady.
Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev birqatar negizgi sıfrlyq jobalardyń júzege asyrylý barysy týraly baıandady. Atap aıtqanda, Keden jáne Qarjy mınıstrliginiń salyqtyq ákimshilendirý platformalary, sý tasqynyn boljaýǵa arnalǵan Tasqyn júıesi, avtojol salasyndaǵy eJoldar, tasymaldaý baǵytyndaǵy Smart Cargo jáne ózge de salalyq sıfrlyq sheshimder tanystyryldy. Sonymen qatar «Áleýmettik ámııan» men úı sharýashylyqtarynyń sıfrlyq profılderin damytý jumystary jalǵasyp jatqany aıtyldy. Aldaǵy kezeńde memlekettik organdardyń tıimdiligin arttyrý maqsatynda aqparattyq júıelerdi biryńǵaı QazTech platformasyna kóshirý, kıberqaýipsizdikti kúsheıtý, salalyq Data Lake júıeleri men jasandy ıntellekt agentterin qalyptastyrý josparlanyp otyr.
«Samuryq-Qazyna» qorynyń basqarma tóraǵasy Nurlan Jaqypovtyń sózine súıensek, 2026–2030 jyldary 27 mlrd dollardan astam tikeleı sheteldik ınvestısııa tartý kózdelgen. Sonymen qatar sıfrlandyrýdyń nátıjeleri, onyń ishinde 5 jyl ishinde jıyntyq ekonomıkalyq áseri 1,3 mlrd dollardy quraıtyn jasandy ıntellekt jobalaryn engizý máselesi sóz boldy. Premer-mınıstr Qor qurylymyn odan ári jetildirýdi, qajet bolǵan jaǵdaıda jekelegen kompanııalardy biriktirý arqyly transformasııalaý sharalaryn qarastyrýdy tapsyrdy.
Qarjy mınıstri Mádı Takıevtiń aıtýynsha, birinshi jartyjyldyqta Taýarlardyń ulttyq katalogin iske qosý josparlanyp otyr. Salyqtyq, kedendik ákimshilendirýdi sıfrlyq formatqa kóshirý jedel júrip jatyr. Tıimsiz shyǵystardy qysqartý maqsatynda bıýdjettik baǵdarlamalarǵa revızııa júrgiziledi. Sondaı-aq bıýdjet qarajatynyń qadaǵalanýy úshin sıfrlyq teńgeni qoldaný aıasy keńeıtiledi.
Energetıka mınıstri Erlan Aqkenjenov keltirgen derekke súıensek, 2029 jylǵa deıin 13,3 GVt jańa qýat kózderin iske qosý josparlanǵan. Sonymen qatar kómir generasııasyn damytý týraly ulttyq joba daıyndalyp, qoǵamdyq talqylaýǵa shyǵaryldy, elimizdiń energetıkalyq negizin nyǵaıtý baǵytynda jumystar júrgiziledi. Munaı óńdeý jáne munaı-gaz hımııasy salasy boıynsha Prezıdent tapsyrmasyna sáıkes, jumys istep turǵan munaı óńdeý zaýyttarynyń qýatyn keńeıtý jobalary belgilenip, jańa MО́Z salý máselesine de nazar aýdaryldy. 2029 jylǵa deıin iri munaı-gaz hımııasy boıynsha birqatar jobany iske qosý josparlanyp otyr, «Munaı-gaz hımııasy ónerkásibi týraly» zań jobasy ázirlenip jatyr.
О́nerkásip jáne qurylys mınıstri Ersaıyn Naǵaspaevtyń aıtýynsha, otandyq taýar óndirýshilerdiń tiziliminde 5,6 myń kompanııa tirkelgen. AEA qyzmetin kezeń-kezeńmen transformasııalaý josparlanǵan. Búginde AEA-da óńdeý ónerkásibi boıynsha 4,4 trln teńgege 555 joba júzege asyryldy, 33 myńnan astam turaqty jumys orny ashyldy. О́nerkásip salasynda tereń óńdeýge basymdyq beriledi. Shıkizatty syrtqa shyǵarýdy retteý jáne joǵary qaıta bólingen ónim óndirýdi yntalandyrý tetikteri qarastyrylyp otyr. Sonymen qatar mańyzdy mıneraldar salasyn damytý strategııasy ázirlenip jatyr. Geologııalyq barlaý baǵytynda aldaǵy 3 jyl ishinde qarjylandyrý kólemin keıingi 30 jylda tartylǵan ınvestısııa deńgeıine jetkizý josparda bar.
Aýyl sharýashylyǵy mınıstri Aıdarbek Saparov 2026–2030 jyldarǵa arnalǵan mal sharýashylyǵyn damytý týraly keshendi jospardy iske asyrýǵa ári salany jeńildetilgen qarjylandyrý aıasyn keńeıtýge basymdyq beriletini týraly baıandady. Veterınarlyq qaýipsizdikti kúsheıtý men baqylaýdyń sıfrlyq quraldaryn engizý mindetteri bólek aıqyndalǵan. Qaıta óńdeý jáne tamaq ónerkásibinde 2026 jyldan bastap ınvestısııalyq sýbsıdııalar ulǵaıtylyp, qosylǵan qun salyǵy tómendetiledi. Sondaı-aq shıkizatty qaıta óńdeý men tereń óńdeýge baǵyttalǵan jańa jobalardy iske qosý úshin qosymsha yntalandyrý sharalary engiziledi.
Oqý-aǵartý mınıstri Juldyz Súleımenova bilim berý salasyn qarjylandyrý tetikterin jetildirý týraly usynystaryn tanystyrdy. Prezıdent tapsyrmalaryn oryndaý sheńberinde jekemenshik mektepterdi qarjylandyrý óńirlik qajettilikke sáıkes basym jobalarǵa baǵyttalady. Olardyń memlekettik standarttarǵa sáıkestigin baqylaý kúsheıtiledi. Mektepke deıingi uıymdardy vaýcherlik qarjylandyrý tetiginiń nátıjeleri de usynyldy. 2025 jyldyń qorytyndysy boıynsha bul júıe 25,7 mlrd teńge únemdeýge múmkindik bergen. Aldaǵy kezeńde atalǵan tetik kezeń-kezeńimen keńeıtiledi.
Eńbek jáne halyqty áleýmettik qorǵaý mınıstri Asqarbek Ertaevtyń aıtýynsha, qazir Biryńǵaı sıfrlyq áleýmettik qorǵaý platformasy negizinde áleýmettik qyzmetterdi tolyq sıfrlandyrý men qoldaý tetikterin proaktıvti formatqa kóshirý úshin derekterdi daıyndaý jumystary júrgizilýge tıis. Sonymen qatar eńbek naryǵyn jańartý mindeti qoıyldy. Memlekettik-jekeshelik áriptestik aıasynda Ulttyq mamandyqtar transformasııasy ortalyǵyn qurý josparlanyp otyr.
Densaýlyq saqtaý mınıstri Aqmaral Álnazarova Biryńǵaı memlekettik medısınalyq aqparattyq júıeniń qurylǵanyn habarlady. Bul júıe densaýlyq saqtaý salasyndaǵy barlyq IT sheshimderdi biriktirip, qyzmet kórsetý úderisteriniń ashyqtyǵyna baǵyttalǵan. Atalǵan júıe men densaýlyq saqtaý portaly 2026 jylǵy 1 jeltoqsanda iske qosylady. Ambýlatorlyq dári-dármekpen qamtamasyz etý salasynda «Áleýmettik ámııan» tetigi keńinen qoldanylyp keledi. 2025 jyly osy júıe arqyly 13,8 mln-nan astam resept berilgen, bul jalpy kólemniń 82%-yn quraıdy.
Kólik vıse-mınıstri Maqsat Qalıaqparovtyń aıtýynsha, 2026 jyly tranzıt kólemin 55 mln tonnaǵa deıin jetkizý kózdelgen, bul 65%-dyq ósimdi bildiredi. Birqatar iri ınfraqurylymdyq jobalardy aıaqtaý josparlanǵan. Reseı Federasııasy jáne Qytaı Halyq Respýblıkasymen shekaralyq ınfraqurylymdy úılestirý jumystary jalǵasyp jatyr. «QTJ» jol kartasy men jańa tarıftik saıasat bekitildi. Avtojol salasynda Qyzylorda, Saryaǵash jáne Rýdnyı qalalarynda 3 aınalma joldyń qurylysy bastalady, 33 ótkizý pýnkti jańǵyrtylyp jatyr. Jasandy ıntellekt sheshimderin engizý aıasynda Smart Cargo platformasyn memlekettik jáne salalyq servıstermen yqpaldastyrý jalǵasady. 2027 jylǵa deıin Birtutas ıntellektýaldy kólik ekojúıesin qalyptastyrý josparlanǵan.
Jıyn qorytyndysynda Premer-mınıstr Oljas Bektenov Prezıdent belgilegen barlyq mindetter halyq pen bızneske naqty nátıje berýge tıis ekenin aıtty. Onyń aıtýynsha, qabyldanǵan sheshimder qaǵaz júzinde qalmaı, is júzinde oryndalýy qajet. Osyǵan baılanysty birqatar naqty tapsyrmalar júkteldi.
«Kórip otyrǵanymyzdaı, aldymyzda turǵan maqsat-mindetterdiń aýqymy óte úlken. Memleket basshysy atap ótkendeı oılanyp-tolǵanýǵa ýaqyt joq. Batyl, tıimdi sheshim qabyldap, ony jedel júzege asyrý qajet. Halyqtyń tabysy men ál-aýqatyn arttyrý – atqarylatyn jumystyń naqty nátıjesi bolýǵa tıis. Memlekettik organdar men ákimdikter Prezıdent tapsyrmalarynyń sapaly ári ýaqtyly oryndalýyn qamtamasyz etýi kerek», dep qorytyndylady Úkimet basshysy.
