Foto: Ashyq derekkóz
Taraptar temirjol salasyndaǵy yntymaqtastyqty keńeıtý, ótkizý qabiletin arttyrý jáne logıstıkalyq baǵyttardyń tıimdiligin kóterý máselelerin talqylady.
Kezdesýde Qazaqstan men О́zbekstan arasyndaǵy temirjol qatynasynyń strategııalyq mańyzy atap ótildi. Bul baǵyt ekijaqty saýda-ekonomıkalyq baılanystardy nyǵaıtyp qana qoımaı, halyqaralyq tranzıt pen óńirlik kólik yqpaldastyǵyn damytýda sheshýshi ról atqaryp otyr.
Sarapshy: Qazaqstan О́zbekstanǵa qaraǵanda daıyn ónimdi kóbirek óndiredi
2025 jyldyń qorytyndysy boıynsha eki el arasyndaǵy temirjol tasymaly 32,3 mln tonnany qurady. Bul – 2024 jylmen salystyrǵanda 16 %-ǵa artyq kórsetkish. Turaqty ósimdi saqtaý úshin taraptar birlesken is-sharalar josparyn ázirledi. Qujatta Saryaǵash, Oazıs jáne Syrdarııa túıispelerindegi ınfraqurylymdy jańǵyrtý, sonyń ishinde Darbaza-Maqtaral ýchaskesindegi negizgi jobalardy aıaqtaý kózdelgen.
Qazir Saryaǵash túıispesi arqyly táýligine 36 jup poıyz ótedi, al mejeli kórsetkish – 40 jup. Oazıs arqyly táýligine 2 jup poıyz júrse, bolashaqta bul san 10 jupqa deıin ulǵaıtylmaq. Syrdarııa baǵytynda Darbaza–Maqtaral ýchaskesi iske qosylǵannan keıin táýligine 10 jup poıyz ótkizý josparlanyp otyr.
Keńes barysynda ınfraqurylymdyq jáne jóndeý jumystaryn úılestirý, baqylaý rásimderin jetildirý, tehnologııalyq yqpaldastyqty ońtaılandyrý jáne tasymal úderisiniń tıimdiligin arttyrý máseleleri de qaraldy.
Syrdarııada on gıdrobeket ornatylady: Qazaqstan men О́zbekstan sýdy qalaı bólispek?
Kezdesý qorytyndysynda taraptar seriktestikti odan ári keńeıtýge jáne júk aınalymyn kezeń-kezeńimen ulǵaıtýǵa ózara múddeli ekenin rastady. Temirjol ınfraqurylymyn jańǵyrtý men ótkizý qabiletin arttyrý óńirlik tranzıttik toraptaǵy Qazaqstannyń ornyn bekemdeı túspek.
