Foto: Ashyq derekkóz
Hıdekı Sato HH ǵasyrdaǵy Sega-nyń eń tanymal oıyn qurylǵylaryn ázirleýge basshylyq etti. Onyń jetekshiligimen Sega Mega Drive, Sega Saturn jáne Dreamcast konsolderi jaryq kórdi. Bul qurylǵylar bir kezeńde álemdik oıyn ındýstrııasynyń baǵytyn aıqyndady.
RBK habarlaýynsha, Sega alǵashqy 8-bıttik SG-1000 prıstavkasyn 1983 jyly naryqqa shyǵarǵan edi. 1980-jyldardyń sońyna qaraı kompanııa oıyn ındýstrııasyndaǵy eń tanymal brendterdiń birine aınaldy. 1988 jyly tanystyrylǵan 16-bıttik Mega Drive úı konsoli Sega-nyń dańqyn asqaqtatty. Dál osy platformada 1991 jyly Sonic the Hedgehog oıyny jaryq kórdi. Kók tústi kirpi Sonık qysqa ýaqytta kompanııanyń sımvolyna aınalyp, oıyn álemindegi eń tanymal keıipkerlerdiń birine aınaldy.
Keıin Hıdekı Satonyń bastaýymen 32-bıttik Sega Saturn konsoli shyǵaryldy. Alaıda ol «prıstavkalar básekesinde» Sony PlayStation-ǵa ese jiberdi. Soǵan qaramastan, Sega oıyn ındýstrııasyndaǵy yqpalyn saqtap qaldy.
2003 jyldan bastap kompanııa bıznes júrgizý tásilin ózgertip, Sammy-men birigý arqyly Sega Sammy Holdings holdıngin qurdy. Osy kezeńnen bastap Sega strategııalyq Total War, shytyrman oqıǵaly Yakuza jáne Football Manager sımýlıatory sııaqty tanymal oıyn serııalarynyń baspagerine aınaldy.
Hıdekı Satonyń esimi elektrondy oıyn tarıhynda qaldy. Onyń eńbegi bir býynnyń balalyq shaǵymen, oıyn mádenıetiniń qalyptasýymen tyǵyz baılanysty.
Kaspi, Halyk jáne sheteldik ınvestorlar: Eldegi eń baı kompanııalar anyqtaldy
