Foto: Ǵylym jáne joǵary bilim mınıstrliginiń baspasóz qyzmeti
Qazaqstannyń kórsetkishi kórshi elderden edáýir joǵary. Máselen, О́zbekstan – 83-orynda bolsa, Qyrǵyzstan – 130-orynda tur eken, al Tájikstan – 147-orynda, Túrkimenstan – 191-orynda tur.
Bul aıyrmashylyq ǵylymdy qarjylandyrý deńgeıi, zertteý ınfraqurylymynyń damýy, kadrlyq áleýet, halyqaralyq yntymaqtastyq jáne jarııalanym sapasy sekildi negizgi kórsetkishterdegi basymdyqty ańǵartady.
Júıeli saıasat jemisi
Qol jetkizilgen nátıje – ǵylym jáne joǵary bilim salasyndaǵy dáıekti memlekettik saıasattyń jemisi. «Ǵylym jáne tehnologııalyq saıasat týraly» zań aıasynda óńirlik ınnovasııalyq júıelerdi damytýǵa, zertteý ýnıversıtetteri men artyqshylyq ortalyqtaryn qalyptastyrýǵa, ǵylymı jobalardy bıznes qatysýymen birlesip qarjylandyrý tetikterin engizýge basymdyq berilip otyr.
Sonymen birge jas ǵalymdardy qoldaý sharalary keńeıip keledi. Otandyq ǵylymı uıymdardyń Horizon Europe baǵdarlamasyna qatysýy da Qazaqstan ǵylymynyń jahandyq zertteý keńistigine yqpaldasýyna jol ashyp otyr.
Farabi university: ǵylym, ınvestısııa jáne damýdyń jańa kezeńi
Bedeldi baǵalaý tetigi
SCImago reıtıngi – álem elderiniń ǵylymı jáne zertteýshilik áleýetin saralaıtyn bedeldi quraldardyń biri. Ol Elsevier kompanııasyna tıesili Scopus halyqaralyq bıblıometrııalyq derekqory negizinde jasalady.
Ádisnamada resenzııalanatyn jýrnaldardaǵy jarııalanym sany, dáıeksóz alý deńgeıi, halyqaralyq ǵylymı yntymaqtastyq, zertteýler sapasy jáne ǵylymnyń ınnovasııalyq damýǵa qosqan úlesi esepke alynady. Demek, bul kórsetkishter tek sandyq emes, sapalyq ólshemderdi de qamtıdy.
Ǵylymı ımıdjdi nyǵaıtqan qadam
Qazaqstannyń reıtıngtegi pozısııasynyń jaqsarýy júrgizilip jatqan reformalardyń nátıjeliligin kórsetedi. Bul tabys elimizdiń Ortalyq Azııadaǵy ǵylymı jáne zııatkerlik kóshbasshy retindegi bedelin kúsheıtip otyr.
Bilim men tehnologııa úshin jahandyq báseke kúsheıgen kezeńde mundaı nátıje – ulttyq ǵylymı júıeni odan ári damytýǵa, onyń el ekonomıkasy men qoǵam ıgiligine qosatyn úlesin arttyrýǵa baǵyttalǵan strategııalyq basymdyqtyń aıqyn kórinisi.
Ǵylymı qaýymdastyq «Halyqtyq Konstıtýsııa úshin» koalısııasyn qoldady
