Kezekti kezdesý Jezqazǵan qalasyndaǵy «Remstroı» JShS ujymymen ótti. Jıyn barysynda jańa Konstıtýsııa jobasyna engizilgen ózgerister men tolyqtyrýlar keńinen tanystyrylyp, onyń basty baǵyttary men mańyzy túsindirildi.
Kezdesýge Májilis depýtaty Erbolat Satybaldy, «Amanat» partııasy Ulytaý oblystyq fılıalynyń atqarýshy hatshysy Erlan Myrzabekov, «Remstroı» JShS dırektory, Ulytaý oblystyq máslıhatynyń depýtaty Nıkolaı Raspopov, «Respublica» partııasynyń Ulytaý oblystyq fılıalynyń tóraǵasy Svetlana Ońǵarbaeva, Qazaqstan Halyqtyq partııasynyń Ulytaý óńiri boıynsha tóraǵasy Orazaly Baqyrbaev qatysty.
Spıkerler Konstıtýsııadaǵy jańashyl bastamalardyń el damýyna, azamattardyń quqyqtary men áleýmettik kepildikterin nyǵaıtýǵa baǵyttalǵanyn atap ótti. Kezdesý ashyq pikir almasý formatynda ótip, qatysýshylar saýaldaryn qoıyp, usynysyn aıtty.
«Jańa Konstıtýsııa jobasy – el bolashaǵy úshin mańyzdy qujat. Ol qarapaıym halyqtyń quqyǵyn qorǵaýdy kúsheıtip, ádil qoǵam qurýǵa baǵyttalǵan. Bul qujatta ár azamattyń pikiri men múddesi eskerildi. О́zgerister memleket pen halyq arasyndaǵy senimdi arttyrýǵa kómektesedi. Jańa Konstıtýsııa – barlyǵymyzǵa ortaq jaýapkershilik pen jańa múmkindikterdiń bastaýy», dedi E.Satybaldy.
Túsindirý jumystary naýryz aıynyń ortasyna deıin jalǵasady.
Ulytaý oblysy
